విందు చేసినారు వియ్యాల వారింట పాట

"విందు చేసినారు వియ్యాల వారింట

విందు మాట చెబితే వింతగా తోచును ||విందు||(2)

-------

(1). పప్పూ ఉడకలేదు , చారూ కాగలేదు

అరటికాయ కూర ఊసే అందలేదు ||విందు||

----------

ఏలాగు భోంచేతుమో ఈ విందు మేమేలాగు భోంచేతుమో

చాలా పెళ్ళిళ్ళాయె ఈలాటి విందు మేము ఏలాగు భోంచేతుమో

ఈ విందు మేమేలాగు భోంచేతుమో

------------

(2). వియ్యపురాలొచ్చి నెయ్య వడ్డించింది

నెయ్యి వేయ మన్న చెయ్యి తడవలేదు ||విందు||

(3). విస్తళ్ళు వేశారు, చారెడేసి వెడల్పు లేవండీ

హస్తంబు కదుపుటకు ఔరౌర చోటు లేదు ||ఏలాగు||

(4). అప్పడాల్ వడియాలు అసలే కన్ పడలేదు

గొప్పచూడబోతే చెప్పతరము కాదు ||విందు||

(5). కూరే వంకాయ కూర, దానితోపాటే పచ్చడి లేదు

కలహంబులా కారం గుచ్చెత్తీనారూ   ||ఏలాగు||

(6). ముక్కాబియ్యము వండిరి, దానిలోకి ముద్దపప్పే వేసిరి

చెప్పుకుంటే సిగ్గవుతుంది, చెయ్యికడిగే వీలు లేదు ||ఏలాగు||

(7). అప్పడాల్ వడియాలు అసలే కన్ పడలేదు

గొప్పచూడబోతే చెప్పతరము కాదు ||విందు||

(8). లడ్డూ, జిలేబీలా పాకములో వడ్డించెరంట

వడ్డించే వదినె గారి వడ్డాణం జారిపోయె ||ఏలాగు||

-----------

ఏలాగు భోంచేతుమో ఈ విందు మేమేలాగు భోంచేతుమో

చాలా పెళ్ళిళ్ళాయె ఈలాటి విందు మేముఏలాగు భోంచేతుమో

ఈ విందు మేమేలాగు భోంచేతుమో

విందుచేసినారు వియ్యాలవారింట

Courtesy:Whats app

శ్రీరంగం గోపాలరత్నం గారు పాడిన ''విందుచేసినారు వియ్యాలవారింట'' పాట,ఇది తరతరాల మన వారసత్వ సంపద, ఇప్పటి వరకు మరుగున పడిపోయింది, ఎవరో మహానుభావులు దీన్ని వాట్సాప్లో పెట్టేరు.వారికి వందనం.  పాటపాడిన శ్రీరంగం గోపాలరత్నం గారికి ఇతర గాయకిలకు వందనం.వాద్య సహకారులకు వందనం.దీన్ని బ్లాగులో పెట్టడానికి సహకరించిన విన్నకోటవారికి నా అభినందనలు.

దూధ్ సాగర్ జలపాతం

courtesy whats app

ఈ పాపం ఎవరిది రాజా

ఈ పాపం ఎవరిది రాజా

పట్టు వదలని విక్రమార్కుడు చెట్టెక్కి భేతాళుణ్ణి భుజాన వేసుకు చెట్టు దిగి నడక ప్రారంభించాడు. రాజా నీకు శ్రమ తెలియకుందికిగాను కత చెబుతా సమస్యకి పరిష్కారం తెలిసి చెప్పకపోతే నీ బుర్ర వెయ్యి ముక్కలవుతుంది. సమస్యకి నిజమైన పరిష్కారం చెబితే నేను చెట్టెక్కుతాను.నీవు చెప్పిన పరిష్కారం తప్పైతే నీతో వస్తానన్నాడు. చెప్పడం ప్రాంభించాడిలా.

అనగా అనగా కరోనా రోజులు. అదో పల్లెటూరు. ఒకామెకి ఆయాసం రోగం ఉంది. గత పదిరోజులుగా వర్షం ఎడతెరపిలేక కురుస్తోంది. రాత్రికి రోగం ఎక్కువైతే, ఉదయమే వర్షంలో ఆటో లో పక్క పట్నానికి వైద్యానికి తీసుకు బయలుదేరారు.కరోనా కు ప్రైవేట్ హాస్పిటళ్ళు కూడా వైద్యం చేస్తాయంటే ప్రైవేట్ హాస్పిటల్ కి తీసుకెళ్ళేరు, ఏ వైద్యమైనా అక్కడే చేయించచ్చని.

 హాస్పిటల్ వారు చూసి కరోనా టెస్ట్ చేయించుకురమ్మని ఒక లేబ్ పేరిచ్చారు. అక్కడకి పేషంటుని తీసుకుపోతే టెస్ట్ చేసి పాతిక వందలు పుచ్చుకుని, కరోనా ఉంది, నాలుగో స్టేజిలో ఉంది అని చెప్పేరు.హాస్పిటల్ కి టెస్ట్ తో తిరిగొచ్చేరు. పేషంటును చూసిన వైద్యులు వీరి చికిత్సకు తగిన పరికరాలు మా దగ్గర లేవు గవర్నమెంట్ హాస్పిటల్ కి తీసుకుపొమ్మన్నారు. వర్షం ఆగదు. 

అలాగే గర్నమెంట్ హాస్పిటల్ కి తీసుకెళితే, వారు వివరాలడిగి, మీరు ఇక్కడికి పది కిలో మీటర్ల దూరంలో ఉన్న హాస్పిటల్ కి వెళ్ళండి. అక్కడ వైద్యం చేస్తారని చెప్పి పంపేరు.

 ఆ హాస్పిటల్ కి తీసుకెళితే కరోన టెస్ట్ చేయించండి. ఇక్కడికి రెండు కీలో మీటర్ల దూరంలో ఉన్న గవర్నమెంట్ లేబ్ లో చేస్తారన్నారు. కరోన టెస్ట్ ఫలాన చోట చేయించామని కాయితం చూపించారు. ఇది కుదరదు, మళ్ళీ చేయించండన్నారు. పేషంటుని అలాగే లేబ్ కి తీసుకెళితే టెస్ట్ చేసి రేపుగాని రిసల్ట్ ఇవ్వలేమన్నారు. 

ఏం చెయ్యాలో తోచనివారు, పేషంటును తీసుకుని ఇంటికి బయలుదేరి ముఫై కిలో మీటర్లు దూరం పోయాకా హాస్పిటల్ నుంచి ఫోన్ వచ్చింది, పేషంటుకి కరోన ఉంది, తీసుకురండి వెనక్కి, అని ఫోన్ చేశారు. ఫోన్ చేసిన మొదటి గవర్నమెంట్ హాస్పిటల్ కి తీసుకెళితే, ఇక్కడకాదు, ఇక్కడి పది కిలో మీటర్ల దూరంలో ఉన్న హాస్పిటల్ కి తీసుకెళ్ళమన్నారు. 

అలాగే తీసుకెళ్ళేరు. పేషంట్ తడిపొడి బట్టలతో ఉండగా స్ట్రెచర్ మీదకి చేర్చారు. అంతే లోపలికి తీసుకుపోవలసిన అవసరం కలగలేదు.మార్చురీకి శవాన్ని తీసుకుపోయారు. ఇప్పుడు బంధువులు శవం కోసం పడిగాపులు పడుతున్నారు. ఉదయం తొమ్మిది మొదలైన తిరుగుడు రాత్రి తొమ్మిదికి పేషంట్ ఊపిరి అనంతవాయువుల్లో కలవడంతో పూర్తయ్యింది . ఈ పేషంట్ ప్రాణం పోవడానికి ఎవరు కారణం చెప్పు రాజా! 

.మదికదిలినవేళ

ఉత్తర ప్రదేశ్ లో జరిగిన సంఘటనగా చెబుతున్నారు.

భార్యభర్త కీచులాడుకున్నారు. అది పెరిగి పెద్దదీ అయింది. జీవితం లో నీ మొహం చూడను,నీతో కలిసిబతకను. విడాకులేకావాలి అమ్మాయి పట్టు. నీవు లేక నా జీవితం లేదు, వ్యర్ధం అబ్బాయి మాట. ఎవరిపంతం వాళ్ళు వదలలేదు. చివరికి కేసు పోలీసులకి ఫేమిలీ కోర్టుకు చేరింది. అమ్మాయిని పోలీసులు కన్విన్స్ చేయడానికి విశ్వప్రయత్నం చేశారు. సరిపడలా. అప్పుడు అబ్బాయికి వచ్చిన చిన్న ఆలోచనే ఈపాట. నా భార్య మనస్సు నాకు తెలియదా? నేనే నా భార్యను సముదాయించుకుంటానని ఈ పాట పాడి ఆమె మనసు మళ్ళీ గెలుచుకున్నాడు.ఆ పాట అర్ధం ఎవరేనా చెబితే ఆనందం.మాటకున్న పవరెంత? కవికి నమస్కారం.


https://youtu.be/GiYsvyMWnAk

మధురం మధురం ఈ సమయం 
ఇక జీవితమే ఆనందమయం.
తొలగిపోయె పెను చీకటి తెరలూ
మలగిపోయె అనుమానపు తెరలు
పొంగి పొరలె మనకోర్కెల అలలు
భావియే మనకు నందనవనముగ.
మధురం మధురం ఈ సమయం 
ఇక జీవితమే ఆనందమయం.

Coutesy:పాత చినిమా పాట. కవిగారికి వందనం.
Courtesy:Whats app

ప్రయత్నం.

ఈ చిన్నారి నేర్పుతున్న జీవిత పాఠం ఏమిటి? ఓడిపోతానని,పడిపోతానని, దెబ్బ తగులుతుందని తెలిసినా  ప్రయత్నించు. గెలుపు నీదే,అంతిమ విజయం నీదే! నిరాశలో కూరుకుపోకు.

దధ్యోదనం

దధ్యోదనం

అసలు పేరు దధ్యోదనం కాని అలవాటుగా దధ్యోజనం అని వాడేస్తున్నాం. ఈ మాటే బాగుందా? దధ్యోదనం అంటే పెరుగన్నం అని అర్ధం. దధి+ఓదనమా ఏసంధి? ఏ సమాసం, ఏది విగ్రహ వాక్యం, శలవీయాలి .. సరే ఇక ముందుకెళదాం. కొంచం తెలివి తక్కువవారిని ఎగతాళీ చేయడానికి వాడే మాటలలో ఇదొహటి. ఆ ఎగతాళీ మాటలు, పప్పూ, ముద్దపప్పూ,పప్పు సుద్దా, చలిమిడి ముద్ద, దద్దోజనం. కాని ఇవన్నీ గొప్పవి, శక్తినిచ్చేవి అదేగాక వ్యాధి నిరోధాకాలు కూడా, ఉదయాన్నే మంచి ఉపాహారం. దీనికేంగాని అలాముoదుకుపోదాం :) 

రాత్రి తోడు పెట్టిన పెరుగు తీసుకోండి, గిలక్కొట్టండి, కొంచం నీరు పోసి.అందులో చిటికెడు పసుపు వేయండి, తగిన ఉప్పు వేసి కలపండి. బాణలి లో కొంచం నెయ్యి వేయండి దానిలో శనగపప్పు,వేసి కొంచం వేగనివ్వండి, ఆతరవాత చీల్చిన పచ్చి మిర్చి,కొంచం ఎండు మిర్చి చేర్చండి, వేగుతుండగా సన్నగా తరుక్కున్న అల్లం ముక్కలేయండి,జీలకర్ర, కరివేపాకు వేయండి, ఆ తరవాత వాము చేర్చండి, చివరగా ఆవాలు వేయండి. వేగిన పోపును మజ్జిగలో చేర్చండి, పోపు వేయించడానికి ఇనపమూకుడు వాడండి.ఇష్టమైతే చిన్న ఇంగువముక్క పోపులోవేయండి. 
 ఇప్పుడు ఈ మజ్జిగలో వేడిగా వండుకున్న అన్నం చేర్చండి.పైన కొత్తిమీరి వేయండి. బలెబలే దధ్యోదనం తయారు.

ఇది మంచి రుచికరమైన ఆహారము మరియు మందు కూడా ఎలా?ఇందులో మజ్జిగ మందు, పసుపు,ఇంగువ,ఉప్పు,అల్లం ,జీలకర్ర, ఆవాలు,కరివేపాకు,కొత్తి మీరి అన్నీ ఆరోగ్యాన్ని పెంపొందింపజేసే వ్యాధి నిరోధకాలే...ఆ పై తమ చిత్తం 

ఏమి సేతురా లింగా ఏమి చేతు

ఏమి సేతురా లింగా ఏమి చేతు   

ఏమి సేతురా లింగా ఏమి చేతు   

కరోనా కాలమాయె!

దారి కానదౌను లింగా!!

ఏమి సేతురా లింగా ఏమి చేతు! మాహానుభావా!!  

 ఏమి సేతురా లింగా ఏమి చేతు!   

చీనా పుట్టిల్లాయే !

ప్రపంచమంతపాకె లింగా!!

ఏమి సేతురా లింగా ఏమి చేతు!   మాలింగమూర్తీ!!

ఏమి చేతురా లింగా ఏమి చేతు!   

తగులుకుంటే వదలదాయె!

 తేల్చునాయె చావొ రేవో లింగా!!

ఏమి చేతురా లింగా ఏమి చేతు!  మాదేవ శంభో!!

ఏమి చేతురా లింగా ఏమి చేతు!

మందేమో లేదాయె!

వేక్సిన్ రాదాయె  లింగా!!

ఏమి చేతురా లింగా ఏమి చేతు! మాలింగ మూర్తీ!!

 ఏమి చేతురా లింగా ఏమి చేతు!   

గోటి దనే దొకడాయె!

 గొడ్డలనే దొకడాయెలింగా!!

 ఏమి చేతురా లింగా ఏమి చేతు! త్రిశూల పాణీ !! 

 ఏమి చేతురా లింగా ఏమి చేతు !

గాల్లో నిలవదనే దొకడాయె!

 కాదనుదొకడాయెలింగా!!

ఏమి చేతురా లింగా ఏమి చేతు! హాలాహలధరా!!  

ఏమి చేతురా లింగా ఏమి చేతు!

కన్ను చాలానే దొకడాయె!

 కాదు కాదనే దొకడాయెలింగా!!

 ఏమి చేతురా లింగా ఏమిచేతు! మహా శివా!!

ఏమి చేతురా లింగా ఏమిచేతు!

ఏది నికరమొ తెలియదాయె!

 తిరమాయె చావు లింగా!!

ఏమి చేతురా లింగా ఏమి చేతు! త్రిపురాంతక శివా!!

ఏమి చేతురా లింగా ఏమి చేతు! 

భయమేమో లావాయె! 

ఆకలి తప్పదాయె లింగా!!

ఏమి చేతురా లింగా ఏమి చేతు! అన్నపూర్ణాపతే!!

ఏమి చేతురా లింగా ఏమి చేతు!  

చాకిరేమో తప్పదాయె!

 మనుజులంటె భయమాయెలింగా!! 

ఏమి చేతురా లింగా ఏమి చేతు! గజచర్మధారీ!!

ఏమి చేతురా లింగా ఏమి చేతు !


 బాలమురళిగారికి అపరాధ శత పరిహార నమస్సులు అర్పిస్తూ

కొత్తిమీరి కారం

కొత్తిమీరి కారం

కరోనా వచ్చినారికి మందుగానూ, రాని వారికి రోగ నిరోధకంగానూ నిమ్మకాయ వాడమంటున్నారు విటమిన్ సి కోసం. ఇలాటిదే మరొకటి ఉసిరికాయ. ఉసిరి కాయంటే రాచ ఉసిరి లేదా పెద్ద ఉసిరి. దీని నిలవ పచ్చడి నల్లగా ఉంటుంది అందుకు దీన్ని నల్ల పచ్చడి అంటారు, ఇది అణువణువూ విటమిన్ సి. కాని దానిని ఇప్పుడు వాడ కూడదన్నారు. అది వాడే సమయం వేరు. ఈ నిమ్మకాయ రసాన్ని తాగమంటున్నారు. దానితో పాటు కొత్తి మీర చేర్చి పచ్చిమిర్చి,ఉప్పు చేర్చి కొత్తిమీరి కారం చేసుకు తింటే బలే రుచి. వ్యాధినిరోధానికి మరొకటి కొత్తిమీరి చేర్చినట్లవుతుంది. కొత్తిమీరి అంటే మరేంకాదు ధనియాలే :)

కొత్తిమీరి తీసుకోండి నీటిలో ఝాడించండి. ముక్కలుగా తరగండి. స్తీలు పాత్రలో వేయండి. నిమ్మకాయ రసం పిండండి,చిటికెడు పసుపు వేయండి, తగిన ఉప్పు చేర్చండి, పచ్చి మిర్చి తొక్కి కలపండి. దీనిలో కొత్తిమీరి చేర్చండి, కలిపేయండి,బాగా. రుచికరమైన మందు కొత్తిమీరి కారం రెడీ :)

నిమ్మరసంతో పచ్చి బీరకాయముక్కలు.

నిమ్మ రసం పిండుకోండి. తగిన ఉప్పు జత చేయండి. లేత బీరకాయ ముక్కలు, లేత దొండకాయ ముక్కలు, మరీ ముదురుకాని పచ్చి మిర్చి ముక్కలు, చిన్నవిగా తరుక్కోండి. ఒక స్టీల్ పాతర్లో వీటిని కలిపే ఉంచండి, చిటికెడు పసుపు వేయండి.రెండు మూడు గంటలు తరవాత అన్నంలో కలుపుకు తినండి, అద్భుతం. పప్పు అన్నం ఐతే చెప్పేదే లేదు.

నిమ్మకాయ కారం.

పైన చెప్పినవి బాగానే ఉన్నాయి కాని చేసుకోవడం తలనొప్పి అంటారా! మరో చిన్న చిటకా.నిమ్మకాయ ను పిండి రసం తీయండి. తగినంత ఉప్పు వేయండి చిటికెడు పసుపు వేయండి. వేయించిన్ జీలకర్ర కారం కలిపేయండి బలే ఉంటుంది. నోటికి బలే రుచిగా ఉంటాయి,ఆహారం తీసుకోడానికి ఇబ్బంది కలుగుతుంటే చెప్పక్కర లేదు.

చలిమిడి

చలిమిడి

పుట్టింటికెడితే ఏం తెచ్చుకున్నా తెచ్చుకోకపోయినా చలిమిడి తెచ్చుకోని ఆడపడుచు వుండదు, తెలుగునాట. కలిగినవారు మడులు మాన్యాలూ కూతురికివ్వచ్చు గాని ఏమీ లేనివారైనా చలిమిడి పెట్టకుండా పసుపు,కుంకుమ ఇవ్వకుండా మాత్రం పంపరు. పుట్టింటి కెళ్ళొచ్చిన ఆడకూతురు భర్తకు మొదటగా పెట్టేదీ చలిమిడే. :) 

ఇక తెలివి తక్కువ వాళ్ళని చలిమిడి ముద్దా, ముద్దపప్పూ,పప్పూ  అనడం అలవాటే :)కాని చలిమిడి చాలా మంచిది,బలవర్ధకమేకాదు, రోగ నిరోధక శక్తిని కూడా పెంచుతుందిట. 

చలిమిడి ఎలా తయారు చేస్తారు? ఇది రెండు రకాలు, చలిమిడి,పచ్చి చలిమిడి. చలిమిడికి కొట్టుపిండి కావాలి. కొట్టు పిండంటే, బియ్యం నానబోసి, ఆరబెట్టి దంపాలి. పిండి జల్లించుకోవాలి. మెత్తగా ఉంటుంది, పిండి.దీన్ని పంచదారతోనూ,బెల్లంతోనూ చేస్తారు. బెల్లంతో చేయడం శ్రేష్టం. బెల్లం కోరుకుని పాకం పట్టాలి, ఈ పాకం పట్టడమే టెక్నిక్. తీగపాకం రావాలి, అందులో కొట్టుపిండి పోయాలి కలియ బెట్టాలి. ఆపైన అందులో ఎండుకొబ్బరి ముక్కలు చిన్నగా తరుక్కున్నవి వేయాలి.కలిగిన వారు జీడిపప్పు,యాలకులు,పచ్చకర్పూరం కూడా వేస్తారు.

 మరోమాట ఈ చలిమిడినే చిన్నచిన్న ఉండలులా తయారు చేసి వత్తి నూనెలో బంగారం రంగు వచ్చేదాకా వేయిస్తే అదే అరిసె. అరిసెల వంట చెప్పినంత తేలికకాదు సుమా.

ఇక పచ్చి చలిమిడి. బియ్యపు పిండిని కోరిన బెల్లంలో కలిపి, కొబ్బరిముక్కలేసి, కొద్ది నీటితో ముద్దలా చేస్తారు.ఇది నాగులచవితికి చేస్తారు. 

మునగ ఆకు పచ్చడి

మునగ ఆకు పచ్చడి

మునగ/ములగ ఎలగైనా వాడతారు. ములగ పురాతన కాలం నుంచి వాడుకలో ఉన్నదే.ములగ నీటిని శుద్ధి చేస్తుంది.  ములగ కాడ వాడకం తెలిసినదే. కూర చారు వగైరాలలో ఎక్కువగా వాడేదే. బలవర్ధక ఆహారం. ములగ లో ఇనుము ధాతువు ఎక్కువ. ఆషాఢ మాసం లో ములగ కూర తినాలని అంటారు. ములగ ఆకు కొంచం వాసన ఉంటుంది, ఎక్కువ మంది ఆకును ఇష్టపడలేకపోవచ్చు, పప్పులో కలగలుపుగా వాడుకున్నా. అందుకు పచ్చడి చేసి చూడండి ఇలా. గుప్పెడు ములగ రెమ్మలు విరవండి. కొన్ని లేతవి కొన్ని ముదురువి. చీడ పీడ చూడండి. నీటిలో జాడించంది. ఆపైన ఆకుకోయండి. తడిగా ఉంటే ఆరబెట్టండి. కొద్దిగా చమురు వేసి మూకుడులో వేయించండి. ఆపైన గోంగూర పచ్చడిలా చేసుకోండి. కొద్దిగా చింతపండు ఎక్కువ వేస్తే బాగోవచ్చు. ఖర్చులేని బలమైన వంటకం,సులువుగా అరుగుతుంది. ఇప్పుడి మినగాకు కూడా ఎగుమతి చేస్తున్నారట.ఇలాటిదే మరొకటి పొన్నగంటి కూర, ఇది కళ్ళకి మంచిదిట, పచ్చడి చేసుకుంటే బాగుంది పైన చెప్పినట్టే.  

కంకణ గ్రామం

కరోనా తో వ్యవసాయం

18.4.2020

ముంజలగెలలు తో తాడి

18.6.2020

నారుమడి సిద్ధం చేస్తున్న రైతు

11.7.2020

కాలవ. పచ్చని చేలు

11.7.2020

ఊడ్చిన చేలు

11.7.2020

ఊడ్చడానికి నారు కట్టలు పడేసిన చేను

11.7.2020

వెదజల్లిన చేను

11.7.2020

ఊడ్పుకు వెళుతున్న కూలీలు

కాలవ. 11.7.2020

11.7.2020

కూలీల మోటార్ సైకిళ్ళు

  

గడ్డి గుడిసెలు-గూన పెంకలు

గడ్డి గుడిసెలు గూన పెంకలు
మట్టి గోడలు మాయమాయే

మోటబావులు పూడిపోయే
ఊటబావుల ఊసె లేదే

వరికల్లం కానరాదే
వడ్లు ఇంటికి చేరవాయే

బండిఎడ్లు ఏడబోయే
బర్రె తలుగు కానరాదే

ఒడ్ల గుమ్ములు ఒరిగిపోయే
కుడితి గోలెం ఇరిగిపాయే

మొక్కజొన్న చేనలల్ల
మంచెలన్నీ కూలిపోయే

పొద్దు తిరుగుడు చేనులన్నీ
ఆ పొద్దుకోసం ఎదురుచూసే

వెదురు షాటలు పెండ్ల తట్టలు
పెంటకుప్పల కూలిపోయే

బడికిపోయేబత్త సంచీ
బుక్కులెయ్యని ఎక్కి ఏడ్చే

చెక్కపలక సుద్దముక్కా
సూద్దమన్నా లేకపోయే

మర్రి చెట్టు ఉయ్యాలలేవీ
ఈత పండ్ల జాడలేవీ

మోదుగు పూల హోళీ రంగు
ఎరుపు తగ్గీ ఎలిసిపోయే

సిర్రగోనెలు సెదలుపట్టే
శిలుక్కొయ్యలు శిధిలమాయే

మంచినీళ్ళ మట్టికుండలు
మట్టిలోనే కలిసిపోయే

తేనెటీగల గోండ్రు కప్పల
రాగమేదీ తాలమేదీ

నింగిలోన పిల్లలకోడి
నిద్రపోయి లేవదాయే

గడ్డిగుడిసెల గూండ్లు కట్టిన
బుర్రు పిట్ట ఎగిరిపోయే

మనిషి ఆడిన కోతికొమ్మ
ఇపుడు కోతులొచ్చీ ఆడబట్టే

రచ్చబండ రంది తోటి
మంది ఏరని ఎదురు చూసే

తిరిగిరానీ రోజులన్నీ
తలుసుకుంటూ తల్లడిల్లే

జ్ఞాపకాలను మది మందిరంలో
దాచుకుంటూ సాగిపోతూ.....

జానపద అజ్ఞాత కవి కి నమస్కారం.

ఇది తెలంగాణా ప్రాంతంలోని జానపద గీతంగా తలుస్తాను, కొన్ని పలుకుబడులకు అర్ధం చెప్ప గలను. 

Courtesy Whats app

వద్దురా చిన్నయ్యా!

వద్దురా చిన్నయ్యా!వద్దురా చిన్నయ్యా!!

ఈ పొద్దు ఇలువదలిపోవద్దురా అయ్యా!

వద్దురా చిన్నయ్యా!!

ఈ పొద్దు ఇలువదలిపోవద్దురా అయ్యా!

వద్దురా చిన్నయ్యా!!

కరోన ఇళ్ళకి కదలివచ్చేవేళ ముదిపాపలను చూసి పట్టుకెళ్ళేవేళ

వద్దురా చిన్నయ్యా

ఈ పొద్దు ఇలువదలిపోవద్దురా అయ్యా! అయ్యా!!

వద్దురా చిన్నయ్యా!!

కట్టిన మాస్కేమో దగ్గుకే మాసేను పాలుగారే మోము తుమ్ముకే వాడేను

వద్దురా వద్దురా కన్నయ్యా!

ఈ పొద్దు ఇలువదలిపోవద్దురా అయ్యా! అయ్యా!!

వద్దురా చిన్నయ్యా!!

కరోన తగిలిన  కానివాళ్ళేనని చీలివాళ్ళంతా అల్లరి చేసేరు

వద్దురా చిన్నయ్యా

ఈ పొద్దు ఇలువదలిపోవద్దురా అయ్యా! అయ్యా!!

వద్దురా చిన్నయ్యా!!

ఆడుకోవలెనన్న,పాడుకోవలెనన్న

ఆదటను నేనున్నా,అన్నిటను నీదాన (సెల్ఫోన్)

వద్దురా! వద్దురా!!వద్దురా!!!చిన్నయ్యా

ఈ పొద్దు ఇలువదలిపోవద్దురా అయ్యా! అయ్యా!!అయ్యా!!!

వద్దురా చిన్నయ్య!చిన్నయ్య!!

తొలి ఏకాదశి సందర్భంగా,శుభకామనలతో!

కంటైన్మెంట్ జోన్ లో గడుపుతున్న సందర్భంగా!!

బ్లాగు మరల ఓపెన్ ఐన సందర్భంగా!!!

With due respects to all concerned.

చిత్రం భళారే ఔచిత్యం

చిత్రం భళారే ఔచిత్యం

అయ్యారే విచిత్రం

మానవజాతిని పరాన్నజీవి  శాసించుటే 
విచిత్రం 

కరోనా ను వదిలించుకోలేకపోవుటే 
విచిత్రం

చిత్రం భళారే ఔచిత్యం

అయ్యారే విచిత్రం

కనపడని కరోనాకు మానవజాతి ఇళ్ళలో దాగొనుటే

 విచిత్రం

లాక్డవున్ సమయంలో మదనుడు సందడి చేయుటె 
విచిత్రం

చిత్రం భళారే ఔచిత్యం

అయ్యారే విచిత్రం

రోకటి పోటులా మిడత దాడి 
విచిత్రం

చిత్రం భళారే ఔచిత్యం

అయ్యారే విచిత్రం

కాకి మూక మిడతపై దాడి మరీ 
విచిత్రం

చిత్రం భళారే ఔచిత్యం

అయ్యారే విచిత్రం

తుఫాను,భూకంపం, యుద్ధం రానున్నవన్న వార్త 
నమ్మలేని  విచిత్రం
చిత్రం భళారే ఔచిత్యం

అయ్యారే విచిత్రం

కాదేదీ

కాదేదీ   కవితకనర్హం

కుక్కపిల్లా,సబ్బు బిళ్ళా, అగ్గిపుల్లా

మహాకవి శ్రీశ్రీ

పేరడీ

తెనుగులో   పేరడీ కవితలకు ఆది గురువు శ్రీ జలసూత్రం రుక్మిణీనాథ శాస్త్రి. వీరు జరుక్ శాస్త్రిగానే ప్రసిద్ధులు. ఆదిగురువుకు నమస్కరిస్తూ

కాదేదీ  తినుట కనర్హం

కుక్కా,నక్కా,పిల్లీ,బల్లీ

నేటి అవుసరం ఉడతా మిడతా

తింటేనే ఉనికి లేకుంటే లేదు మనికి

కడుపుకాలితే సర్వం సమానం

కడుపే కైలాసం, ఇల్లే వైకుంఠం.

ఆది పేరడీ గురువును స్మరించుకున్న సందర్భంగా చిన్న కవిత :)

పేరడీ కవిత్వానికి

ఆది గురువు  జరుక్కు

దీనికి కావాలి   చమక్కు

అనిపించాలి     చురుక్కు

నవ్వు రావాలి   భళుక్కు

ఇది ఇంతకు   ముందే  ఎవరేనా చెప్పేసేరేమో కూడా :)

మిడతల దండు

మిడతల దండు

మిడుత చాలా చిన్న జీవి.పతంగం అంటే కూడా మిడత అని అర్ధం ఉంది. దీనికున్న బలం ఎగురగలగడం. దీని బలహీనత నిప్పు. మిడుతలు ఎడారుల్లో గుడ్లు పెడతాయి. అవి ఒకటి రెండు మూడు ఆపై అసంఖ్యాకంగా పెరిగి ఆహారానికి బయలు దేరాతాయి. వీటికి దేశాలు సరిహద్దులు లేవు. పచ్చదనం ఎక్కడవుంటే అక్కడ వాలతాయి. అన్నీ తినేస్తాయి, లేచి వెళతాయి, అక్కడేం మిగలదు. ఇది కూడా కొన్ని అత్యాశాపరులైన దేశాల వారి సృష్టి కావచ్చు. ప్రపంచాన్ని శాసించాలనే ఎత్తుగడ కావచ్చు.జీవ జంతువులతో విలయం సృష్టి కావచ్చు. ఇవి దండుగా ఎగురుతోంటే ఆకాశం లో సూర్యుడే కనపడకపోవచ్చు. ఏమవుతుంది ఇవొస్తే ముందు పచ్చని ఆకు కనపడదు. ఉన్న ఉష్ణోగ్రత పెరుగుతుంది, ఆ తరవాత ఆహారానికి కరువొస్తుంది. అదుపు చేయండి, ఎలా చిన్న చిన్న మంటలేయండి, అందులో దూకి చస్తాయి. పైర్లమీద పచ్చదనం మీద వేప కషాయం చల్లండి, అవి వేప కషాయం చల్లిన వాటిని తినలేవు. ఒక వేళ తింటే చనిపోతాయి, పునరుత్పత్తీ చేయలేవు. బహుపరాక్, మనదేశంలో మహా రాష్ట్ర,రాజస్థాన్, ఉత్తర్ ప్రదేశ్ మొదలైన ఉత్తరాది రాష్ట్రాలను వణికిస్తోంది, ఈ మిడత, రేపు మనదీ అదే పరిస్థితి కావచ్చు.... 

ఇక్కడొక పెద్ద కథ చదవండి...మిడత మూలంగా
https://kastephale.wordpress.com/2013/06/11/  ఈ రోజు రెండు టపాలున్నాయి, గమనించగలరు.
https://kastephale.wordpress.com/2013/06/14/

https://kastephale.wordpress.com/2013/06/17

కొమ్ములు తిరిగిన దేశాలే

https://youtu.be/OV3Hvq5L5Eg
పాట1960లో విడుదలైన భట్టి విక్రమార్క చిత్రంలోది
కొమ్ములు తిరిగిన మగవారూ కొంగు తగిలితే పోలేరు నాకొంగు తగిలితే పోలేరు ని అనుసరించిన పారడీ పాట 




కొమ్ములు తిరిగిన దేశాలే కంటి చూపుకే మాడేయి
కడగంటి చూపుకే మాసేయి


కత్తులు దూసే దేశాలే ఎత్తులు మార్చే దాదాలే
                          లాకు డవున్ లో చేరేరు,లాకు డవునులో చేరేరు,                           II  కొమ్ములు తిరిగినII

మందుకోసమే మూగేరు, చేతులు, మూతులు కడిగేరు,దెబ్బకి భయపడిపోయారూ, ముక్కూ నోరూ మూసేరు,                                               .                                                          II  కొమ్ములు తిరిగినII

చేతులు కలిపే మొనగాళ్ళే చేతులు జోడించేరూ.దూరం పాటించేరు                            II  కొమ్ములు తిరిగినII

తగిలిన కరోన కౌగిలిలో ప్రభువైనా వసివాడును లే
                         ఇదే నీతి ఈ జగతి.                                                          II  కొమ్ములు తిరిగినII

With regards to all concerned

అయ్యయ్యో చేతిలో డబ్బులు ఐపోయనే

అయ్యయ్యో చేతిలో డబ్బులు ఐపోయనే

అమ్మయ్యో జేబులు ఖాళీ ఆయనే!

లాక్డవున్ లో తిని కూచుంటే సొమ్మయిపోయిందీ.

పులిమీద పుట్రలా రిలయన్స్ రైట్స్ వచ్చిపడిందే 

దీకి కట్టడానికి సొమ్మెక్కడనుంచి వచ్చు?

ధాన్యం అమ్మితేనో?

అమ్మినదానికే సొమ్మురాలేదు భాయీ

బంగారం కుదవబెడితే

ఇదే చచ్చు సలాహాభాయీ

అప్పుచేసి పప్పు కూడంటే ఇదేనోయీ

ఎవరినేనా చేబదులడిగితే

అందరిదీ ఇదే పరిస్థితైతే అప్పెవరిచ్చేనూ

రిలయన్స్ రైట్స్ కి అప్పుచేసి కొనే సీనుందా?

నాలుగేళ్ళలో షేర్ రేటు రెట్టింపయ్యిందే

గోవిందా! గోవిందా!!

మరిప్పుడు దారేదీ?

ఆలోచన తెగటం లేదోయీ

అప్పుడే ఒక రోజైపోయిందీ!!!!

RIL-RIGHTS ISSUE

This company deals in oil and Telecom sectors,primarily.

The last benefit from the company was a 1:1 bonus in 2017.

Now this company is offering one share for every fifteen shares held by a shareholder, at a premium of Rs.1247 per share. The market value of this share is around Rs.1500 as on date. The share value of this company was  Rs.780.90 in sep 2017 and now it is around Rs.1500/-   Yellow metal  GOLD is trending high and the rate may increase up to Rs.82000/-per ten grams by next year  end, a good short term investment. Be careful about GOLD control Rules.

Disclaimer: This is not an encouragement to invest in stock or to buy gold. Consult financial experts before investment.

లాక్ డవున్ తరవాత ఇలా ఉండద్దు

అద్భుత పూర్ణ చంద్రోదయం

అద్భుత పూర్ణ చంద్రోదయం

అమ్మో!

Courtesy:Whats app

కాలు జారితే కైలాసం

courtesy Whats app

బాధగా ఉంది.

కష్టం కలిగినపుడే బాధ తప్పదు. ధైర్యం కోల్పోవద్దు.వదంతులు నమ్మద్దు

జింకల పిండు

ADONI-BELLARY Road

Courtesy Whats app
లాక్ డవున్ సమయంలో చిత్రం 

ఆత్రం

Courtesy Whats app

ఆహారధాన్యాలకంటే మందుకే కరువొచ్చేలా ఉంది

తెలగపిండి వడియం

తెలగపిండి వడియం

కరోనా పేద గొప్ప దేశాలని పెద ధనిక వర్గాలని చూడకుండా జనాల్ని చిత్తు చేస్తోంది. అదేమో తెలియదుగాని మగవాళ్ళనే ఎక్కువ మందిని పొట్టన పెట్టుకుంటోందిట. దీని మొహం తగలెయ్య! దీనికి మగాళ్ళంటే అంత ఇష్టమా? అందులోనూ పెద్దాళ్ళంటే మరీనుట, దీని ప్రేమ తగలెయ్య!!

ఆంధ్రాలో విజయనగరం,శ్రీకాకుళం జిల్లాలో అడుగు పెట్టలేకపోయిందిట. ఈ జిల్లాలలో అడుగు పెట్టలేకపోడానికి కారణం ఏంటీ? అని వాట్సాప్ యూనివర్సిటీ వారు పరిశోధన చేశారట. :)  హా! తెలిసెన్ కారణం అన్నారు. :)  ఏంటీటా?

ఏంటదీ?  తెలగపిండి వడియం. ఎలా తయారు చేస్తారు? ఆ ప్రాంతంలో విరివిగా పండేవి ఎర్ర నువ్వులు. నూనె తీయగా మిగిలిన తెలగపిండిలో ఉప్పు,వాము, పచ్చి మిర్చి కలిపి కుమ్మి, ముద్దకి దబ్బకాయ రసం కలిపి వడియాల్లా ఎండ బెడతారట. దానిని నంజుకుంటూ ఉదయమే గంజి తాగుతారట. అదీ రహస్యం అని బయట పడింది. తెలగపిండి వడియం తినిచూస్తారా?

Lock Down

వాట్స్ ఆప్ లో ఒక యువకుని మాట.

లాక్ ఆప్ పోలీస్ కస్టడీ

లాక్డవున్ పెళ్ళాం కస్టడీ

All videos Courtesy Whats app.

కుండల్లోకి గుర్రాలని తోలుకుంటూ

Courtesy:Whats app

ఏంటీ పుణుక్కుంటున్నారక్కడా?? సణిగిందో ఇల్లాలు.
ఏం లేదూ బీరువా సద్దుదామనీ..సాచేశాడా మగమహారాజు.
చూస్తూనే ఉన్నాలెండి మీ సద్దుడు అంది సద్దుడు మాట మీద నొక్కి మూతి విరుస్తూ!
నలభై రోజుల్నించీ కుండల్లోకి గుర్రాలని తోలుకుంటూ మీరు చేస్తున్న పనులివేగా, మురిపెంగా విసుక్కుంది.
ఖాళీగా కూచుంటే ఏం తోచటం లేదోయ్
సరేగాని, ఏంటా మాసిపోయిన బనీనూ మీరూనూ, చెమట వాసనతో చిరాకేయటం లేదూ? విప్పేయండి, వాష్ లో వేస్తాను అంటే ఓహో అనుకున్న మగమహారాజు బనీను విప్పేసేడు,గొప్పగా.  లోపల దాచుకున్నవి మరచిపోయి బనీను విప్పడంతో కాయితాలు జలజలా రాలేయి. ఆ ఇల్లాలు కాగితాలన్నీ ఏరి బీరువాలో జాగ్రత్త చేసుకుని తాళమేసి, మగమహారాజుని చూస్తూ...
అవును కదా! ఉదయం నాలుగునుంచి ఎనిమిది మధ్యాహ్నం ఒకటినుంచి రెండు, రాత్రి ఏడునుంచి ఎనిమిది దాకా రసోయి,కిచెన్,వంటిల్లు తీసి ఉంచితేనే, చిరుబొజ్జలు, బాన పొట్టలు వచ్చేసేయి. వచ్చినవేమైనా పోతాయేమోగాని ఇవి పోవులెండి అని సాగతీసిందా ఇల్లాలు, బొజ్జ నిమురుకుంటూ బయటికెళ్ళేడా మగమహారాజు :)

Courtesy:Whats app

పశ్చాత్తాపం

పల్లె సీమలు.

పల్లె సీమలు.
కితం వారం లాక్ డవున్ ను పల్లెలలో సడలించారు. రెండవపంట బాగానే పండింది.దిగుబడి కూడా బాగుంది.ఎకరానికి రెండున్నర టన్నులు కావచ్చు. ఇది రెండవపంట కనక యంత్రాలు ఉపయోగించి కోతనుంచి మిగతా కార్యక్రమాలు పూర్తి చేస్తున్నారు. యంత్రాలకి అయ్యే ఖర్చు డబ్బులొచ్చాకా ఇస్తారు. ఇది అలవాటే. ఎఫ్.సి.ఐ రంగంలోకి దిగి కొనుగోళ్ళు చేస్తోంది. సరకు కూడా గొదాములకు చేరుతోంది. నెల లోగా సొమ్ములు రైతు చేతికి రావడం మామూలే.ఏమైనా సరుకు ఒబ్బిడి అవుతోంది సంతోషం.   పంట పండించిన రైతు గిట్టుబాటు ధర  కోసం చూస్తాడు అలాగే సరుకు పాడవకుండా ఒబ్బిడి ఐతే సంతోషిస్తాడు,చేసిన శ్రమ ఫలించినందుకు.
    

  ఇంకా   సగం  పైగా మాసూళ్ళు కావాలి,మొత్తం పూర్తి కావాలంటే మరో రెండు వారాలు తప్పదు. కాని ఈ లోగానే 27,28 తారీకులలో తుఫాను తాక నుందని  వార్త. ఇదెంత నిజమో తెలియదు.   ఇటువంటి అసత్యాలు ప్రచారంలో ఉన్నాయి.నిన్న ఉదయమే గాలివాన తో మామిడి రాలిపోయింది, వరికి కొంత నష్టం.  ఏమైనా పల్లెసీమలు పని పుంజుకున్నాయి. పల్లెలకు సంబంధించిన అన్నీ పని చేస్తున్నాయి. ఈ లోగా ప్రధాని నుంచి వచ్చే సహాయం ప్రతి ఒక్కరి కాతాలోనూ పడుతోంది.  (2000+2000) ఇది సమయానికి రైతుకు ఉపయోగకరంగానే ఉంది. మరొక విడత సొమ్ములు మాత్రం రావాలి. మొత్తం గోజిలలో పన్నెండున్నర లక్షల టన్నులాఅహారధాన్యాలు ఒబ్బిడి అవుతున్నాయి. కరోనా పల్లెలనేం చెయ్యలేకపోయింది.  మందులేక ఇబ్బంది పడుతున్న మాట నిజం.  బియ్యం ఇత్ర నిత్యావసరాలు ఇంటికే చేరుస్తున్నారు, బాధ లేదు. 



ఒక రైతు మాట
''మూడో తారీకు తరవాత ఎలా వుంటుంది? కంగారు పడద్దు. నెమ్మది నెమ్మదిగా అంతా సద్దుకుంటుంది,  కరోనా, తుఫానులూ ఏం చేయలేవు. పనులు పూర్తైనా రైతన్నలు మిగిలినవారికి సహాయం చెయ్యండి. తొలకరికి కావాల్సిన విత్తనాలు,ఎరువులు సరఫరా అవుతాయి, భయపడద్దు. ఆరోగ్యంగా ఉండండి, ఇంట్లోనే ఉండంది, పనులు పూర్తయితే
  పల్లెలను  అలవాట్లే రక్షిస్తున్నాయి. లాక్ డవున్ ఎత్తేసినా,ఉన్నా మంచి అలవాటలు మానకండి.అనవసర ప్రయాణాలొద్దు. అవసర ప్రయాణాలు మానొద్దు.బయట తిరగద్దు.గాలి వార్తలు నమ్మద్దు.


గొప్ప మార్పు వచ్చేస్తుందని అనుకోనుగానిమార్పు మంచికే జరుగుతుందని ఆశిద్దాం."

ఆవిడైనగాని కోవిడైనగాని

కొసరి పెట్టినదేదొరుచిలేనిదైనను

నోరు మూసుకు తినితీరవలయు

విసిరి కొట్టినదేదొ వీపుకు తగిలినా

చూసిచూడనియట్లు చూడవలయు

అరిచి తిట్టినదేదొ అస్సలు చెవులకు

వినపడనియట్లుగా వెడలవలయు

పైమూడు సూత్రాలు పాటించి మగవారు

దీటుగా లాక్ డవును దాటవలయు

ఆశ వీడకుండ ఆరాట పడకుండ

మూడు సూత్రములను వాడువాడు

హాయిగా తరించు నాపద నొందడు

ఆవిడైనగాని కోవిడైనగాని.

Courtesy:C.V.L.N.Ravi kumar

మేము గోదారోళ్ళమండి ఆయ్!

courtesy: Whats app

ఆమెగా అతడు

నిశాజిందాల్ ఆడ పేరుతో పదివేల స్నేహ బృందంతో, ఒక ముఖపుస్తక పేజి. అందులో ఒక వర్గం, మతం వగైరా వారిపై మరొకరికి ద్వేషం కలిగించే పోస్ట్లు పెట్టడం అలవాటు. ఓ పిక పట్టేరు, చిరాకొచ్చిన ఒకరు పోలీస్ కంప్లయింట్ ఇచ్చారు.

పోలీస్ పరిశోధనలో వెలుగు చూసిన నిజాలు. ఈ స్త్రీ నని చెబుతున్నవారు ముఫై ఒక్క సంవత్సరాల  పురుషుడు. ఎనిమిదేళ్ళుగా, ఆమెగా సాగుతున్న ముఖ పుస్తక పేజి

   ఇంతకీ వీరేంటయ్యా అంటే! పట్టు వదలని విక్రమార్కునిలా పదేళ్ళుగా ఐ.టి ఇంజనీరింగ్ గట్టెక్కని వాడు. ఐతే ఆమెగా తన పరిచయంలో పెద్ద పెద్ద అంతర్జాతీయ సంస్థలలో ముఖ్య పాత్ర వహిస్తున్నట్టు చెప్పుకుంటున్నావారు .
( World health Organisation, International monetary fund,  World trade Organisation.) ఇదేగాక ఒక పాకిస్తానీ నటీమణి పేరుతో ఈ మహానుభావుడు నడుపుతున్న  మరొక  ముఖపుస్తక పేజిలో నాలుగు వేల మంది మిత్ర బృందం. ఇదీ కత. నేను చెప్పడమేంటిగాని పోలీస్ ల మాటల్లోనే చదవండి. మన తెనుగు బ్లాగుల్లో కూడా ఇటువంటివి చూడబోతున్నామేమో!


 https://timesofindia.indiatimes.com/india/nisha-jindal-with-10k-fb-fans-turns-out-to-be-a-man/articleshow/75240983.cms

మొదటి లాక్డవున్ ముగిసింది. రెండవ లాక్ డవున్ నడుస్తోంది. గట్టేక్కకపోతే,జాగ్రత్తలు తీసుకోకపోతే పెరమనెంట్ లాక్ డవునే! . ఇన్ ఫ్రంట్ క్రొకడైల్ ఫెచివల్స్.భయపెట్టడం కాదు. ఉన్న నిజం

పిట్టల్ని పట్టడం తేలికైన పనేం కాదు

తృష్ణ

Rare films division news reel

Courtesy. Whats app.  A rare films division news reel

 సినిమా మొదటిలో, ఇలా ఒక న్యూస్ రీల్ వేసేవారు. . ఇది తప్పని సరిగా వేయాలి. ఇలా న్యూస్ రీల్ వేసినందుకు హాలువాళ్ళు కొంత సొమ్ము చెల్లించాలి.దీనికి బాకీలుంటే మాత్రం సినిమాహాలు లైసెన్స్ రెన్యూ చేసేవారు కాదు. ఇప్పుడు వేస్తున్నారో లేదో తెలియదు

మందు దాతలు

courtesy:Whats app

  కల్లు పొర వచ్చేసింది,వేసవీ వచ్చేసింది.తాటి కల్లుకి డిమాండ్ ఎక్కువేగాని ఈత కల్లంత కాదు. ఈత కల్లు ఉత్పత్తి తక్కువ డిమాండ్ ఎక్కువ. కల్లు చలవ చేస్తుందంటారు గాని ఈత కల్లు మందులా వాడతారు, ఈ ఈతకల్లు కుష్టు వ్యాధికి మందంటారు. కల్లు ఆకలి పుట్టిస్తుందిట.కల్లు గీసినవాడిని చెట్టునుంచి దిగనిచ్చేలాలేరు, ప్రజలు. 

If demand is more than the supply,irrespective of the cost, what it is called

courtesy Whats app

ఏంటో చెప్పండి

Courtesy:Mandavilli kamesh

శరీరమాద్యం ఖలు ధర్మ సాధనం

శరీరమాద్యం ఖలు ధర్మ సాధనం.

ధర్మ అర్ధ కామ మోక్షాలనేవి నాలుగూ పురుషార్ధాలు. మానవులైపుట్టిన వారు వీటిని సాధించుకోకతప్పదు. మోక్షం అనేది దొరుకుఇతుందో లేదో తెలీదుగాని మొదటి మూడిటిని పొందవలసిందే!

వీటిని పొందాలంతే శరీరం కావాలి. అదెలా వుండాలి? ఆరోగ్యంగా ఉండాలి. శారీరిక ఆరోగ్యం ఒక్కటే సరిపోదు. మానసిక ఆరోగ్యమూ బాగుండాలి. మానసిక ఆరోగ్యం బాగుంటేనే శారీరిక ఆరోగ్యం బాగుంటుంది.మానసిక ఆరోగ్యం బాగుండాలంటే మనసు బాగుండాలి. తీసుకునే ఆహారం బట్టి మనసు ఏర్పడుతుంది. మనసు బాగోవాలంటే సాత్విక ఆహారం తీసుకోవాలి. ఇదంతా ఒక్క రోజులో నాలుగు మాత్రలు మింగేస్తే వచ్చేది కాదు.అందుకే తాతమాట సాధనమున పనులు సమకూరు ధరలోన. ఆడ మగ తేడా లేక ఆరోగ్యం కాపాడుకోవాలి,పెంపొందించుకొవాలి.చూడండి ఒక నలభై ఏళ్ళ స్త్రీ పాతికేళ్ళ యువకుణ్ణి కర్ర సాములో నిలబెట్టిన అవైనం, అదీ సాధన అంటే... ఇది నేటి అవసరం..

సిగరట్టు బాబూ! సిగరెట్టూ!!

courtesy: Whats app

సిగరట్టు బాబూ! సిగరెట్టూ!!

చూసేవాళ్ళకి నవ్వులాటగా ఉండచ్చుగాని అనుభవించేవారికే తెలుస్తుంది బాధ ఏమిటో!!!

ఇలాగే మందు కూడా వారం నుంచి ఏమీ లేవు ఎలాబతికేది?ఒక్కసారిగా సిగరట్టు,మందూలేని ఈ ప్రపంచం చాలా వింతగా,కొత్తగా ఉంది.Sudden withdrawal symptoms are more dangerous. 

తిరిగే కాలు తిట్టే నోరు....

తిరిగే కాలు తిట్టే నోరు....

తిరిగే కాలు తిట్టే నోరు తీరిగ్గా వుండలేవన్నది ఒక జాతీయం.

సాధారణం అవుసరం ఉంటే గాని బయటకి కదలరెవరూ, కాని కొంత మంది అవసరం లేకపోయినా తిరుగుతూనే ఉంటారు. ఇదొక అలవాటు.
 ”ఎక్కడికెళ్ళేవూ రాత్రి పదికి ఇంటికి చేరేవు,ఆఫీసు ఐదుకి ఐపోతే ఇప్పటిదాకా ఎక్కడ తిరిగినట్టూ, త్రిపాది లాగా?”....
”అబ్బే ఏం లేదమ్మా సత్యానందం కనపడితేనూ”...
”వాడితో పాటు ఇంటి దాకా వెళ్ళి.... వచ్చావనమాట”.
”వాడెదో కష్టం చెబుతుంటేనూ”..
”ఏవైనా చది వించుకొచ్చావా?”.. 
”   రెండు వేలుకావాలంటే.....నెలాకరికిచ్చేస్తానన్నాడు"
ఇటువంటి వాళ్ళు ఆఫీసులో కూడా సీట్లో కూచోలేరు. ”పక్క సెక్షన్లో మిత్రానందం నిన్న బండి మీంచి పడ్డాట్ట చూసొస్తా”, పక్క సీట్ వాడికి చెప్పి పెత్తనాలకి బయలుదేరతారు. ఇది నిజంగానే వ్యసనం. ఇలా   కూడా కాకుండా పని లేక తిరుగుతున్నవాళ్ళని కరోనా పోలీస్ కొడుతున్నారు, లేదా పొర్లు దండాలు పెట్టిస్తున్నారు కదా!   నేటి మాట, బండి పాడుచేసి ఇస్తున్నారు, మళ్ళీ తిరగడానికి లేకుండా,అలా కాకుండా వీళ్ళని అక్కడే ఒక పూట కాపలా కాయిస్తే రోగం చప్పగా కుదురుతుంది. తిక్కతిక్కగా మాటాడేవాడెవడేనా తగిలితే వీళ్ళకి అప్పజెప్పేస్తే సరిపోతుంది :)

తిట్టే నోటి నుంచి వచ్చేవెలా ఉంటాయో మచ్చుకి :) ”నిన్ను ఎన్నెమ్మమ్మెత్తుకుపోనూ!నీనోరడిపోనూ! న్నిన్నేట్లో కలిపెయ్యా!” ఇలాగే ఉంటాయి. ఇటువంటివారి నోటి నుంచి విందామంటే మంచిమాట వినపడదు. పొరబాటున వినపడిందో ఏదో ప్రళయం కరోనా లాటిది ప్రపంచం మీద కి వచ్చి తీరుతుంది. :)


ఉబోస అంటూ చెప్పేవాళ్ళు కూడా ఈ కోవకే చెందుతారనుకుంటా.ఇక నిత్యమూ ఏదో గిలక్కుండా ఉండలేని జనాభా ఉంటారు. వీళ్ళని తగలెయ్యా,  వీళ్ళ చేతులిరిగిపోనూ! ..... ఎక్కణ్ణించి ఊరతాయో కబుర్లు, తెగరాసి జనం మీద పారేస్తుంటారు. ఇదో వ్యసనం.

ఇలాటి పరిస్థితులలో కరోనా వచ్చి అందరిని లాక్ డవున్ చేసింది, ఎన్నాళ్ళూ ఇరవై ఒక్క రోజులట. చచ్చి చెడి మూడురోజులు నడవలేదు. ఏం తోచడం లేదు. ఏం చెయ్యాలి, ఏం తోచడం లేదు ఇదీ అసలు మాట.

ఏం చెయ్యచ్చూ
1.అమ్మ,నాన్న ఉంటే కాసేపు కబుర్లు చెప్పచ్చు.
2.ఇల్లాలి కి ముచ్చట్లు చెప్పచ్చు,వినచ్చు. కూడా కొంగు పట్టుకు తిరగచ్చు. వంటలో సాయం చేయచ్చు.వంటా చేయచ్చు. వంటగది సద్దచ్చు. కూరలు తరగచ్చు. వీలు కుదిరితే తలలో పేలు చూడచ్చు :) Work from Home or Work at Home :)''చాలు సంబడం ఇలా గొంగట్టుకు తిరగడమేంటో కొత్తగా, చూసేవాళ్ళు నవ్వుతారు'', అని ఆవిడ సున్నితంగా విదిలిస్తే ''చూడనిద్దూ'' అని దీర్ఘమూ తియ్యచ్చు, మరో కాఫీగ్లాసూ పుచ్చుకోవచ్చు.
3.తోట పని చెయ్యచ్చు
4.పిల్లలకి పద్యాలు,కతలు చెప్పచ్చు.
5.ఇల్లాలు చిన్నప్పుడు నేర్చుకున్న త్యాగరాజ కృతి వినచ్చు.
6.చిన్నతల్లి డేన్స్ చూడచ్చు.
7.మంచి పుస్తకం చదువుకోవచ్చు,కుటుంబం అంతా కలసి భోజనాలూ చెయ్యచ్చు,కబుర్లు చెప్పుకుంటూ.
8. ఒంటరి పక్షులు లేప్టాప్ ముందేసుకుని....ఎవరితోనైనా జగడమేసుకోవచ్చు. డవ్ జోన్స్,నిఫ్టీ వర్చుయల్ ట్రేడింగ్ చెయ్యచ్చు. 
9.పక్కవాళ్ళలో హాస్పిటల్ కి వెళ్ళేవాళ్ళకి సాయం చేయచ్చు.
10.ఒంటరి ఉండిపోయినవాళ్ళకి, బిచ్చగాళ్ళకి ఆహారం అందించచ్చు.
11.రైల్వే స్టేషన్లలో ఉండిపోయినవారిని ఆదుకోవచ్చు.
12.కరోనా గురించి ఇతరులకు వివరించవచ్చు,తెలిసున్నంతలో.
13.ఇతరులకు ధైర్యం చెప్పచ్చు,జాగ్రత్తలూ చెప్పచ్చు.
14.మా దగ్గర ఒక ఫోన్ నంబర్ ఇచ్చారు, భోజనం లేక ఇబ్బంది పడుతున్నవారెవరైనా ఫోన్ చేస్తే ఆహారం అందిస్తున్నారు. వారికి సాయం చేయచ్చు.
15.పోలీస్,డాక్టర్, నర్స్,శానిటరీ వర్కర్స్,కరంట్ వాళ్ళు, డెలివరీ బాయ్స్ వీళ్ళకి అవసరం బట్టి ఒక ఆహార పొట్లం ఇవ్వచ్చు...వారికి మనిషి సాయం కావాలంటే చేయచ్చు 
ఇది అనంతం. సాయం చెయ్యాలనే మనసుండాలి కాని అవకాశాలు అనంతం.

ఇక, WHO Director General, ఈయన చూడండి, ఏమంటున్నారో
1.మందుకొట్టకండి.
వామ్మో! వారమైపోలా నాలిక పీక్కుపోతావుందయ్యా! షాపులా మూసేశారు, ఇంట్లో అమ్మో, కర్ర తిరగేస్తది, సతీష్ గాడి ఇంటి దగ్గర కుదురుద్దిగాని, వామ్మో పోలీసోళ్ళు, తల్చుకుంటేనే....
2.ధూమపానం వద్దు.
ఈయనెక్కడ దొరికాడండీ బాబూ చిన్నప్పుడు బళ్ళొ చదువుకున్నవన్నీ ఏకరువెడతన్నాడా?

ఏవయ్యా పె ద్దాయనా! నువు చెప్పినయ్యన్నీ మాకు సిన్నపటనుంచి అలవాటే గాని. ఈ కరోనా-19   భూతాన్ని పెపంచకం మీద ఒదిలినోడినేమనవేం...

అధో సూచిక:- ఇదెవరిని ప్రత్యేకంగా ఉద్దేసించినదీ కాదు. అలా అనిపిస్తే సా...రీ....

చెప్పిన మాట వింటేనా?

చెప్పిన మాట వింటేనా?

దేశం అంతా లాక్ డవున్ లో ఉంది. ఎవరూ బయటికి రాకండోయ్ అత్యవసరం ఉంటే తప్పించీ అని మొత్తుకుంటోంది ప్రభుత్వం. ఆ అత్యవసరం కూడా వైద్యం,ఆహారం తప్పించి మరోటి వద్దూ అంటోంది.

పోలీసులు పల్లెలనుంచి మరో పల్లెకి వెళ్ళే మార్గాలు కూడా మూసేశారు. అబ్బే అలా ఐనా వింటేనా? ఇంకా తిరుగుతూనే ఉన్నారు మోటార్ సైకిళ్ళేసుకుని. ఎందుకో తెలవదు.

నీళ్ళు,పాలవాళ్ళు,కరంటువాళ్ళు పనిచేస్తూనే ఉన్నారు. పోలీసులూ,డాక్టర్లు,నర్సులూ మనుషులేగా. పాపం వాళ్ళూ ఆహారం నిద్ర లేక రాత్రి పగలూ లేక పని చేస్తున్నారు. ఇంటిలో ఉండడి మహాప్రభో అని మొత్తుకుంటుంటే ఎందుకు బయట తిరిగి ముచ్చట్లు పెడుతున్నట్టు? ఇటలీ ప్రభుత్వం ఇక నా వల్ల కాదు, ఏం చేయలేనని చేతులెత్తేసింది. సరే పాకిస్తాన్ మొండికే పడింది. లాకు లేదు డవునూ లేదు, నా వల్ల కాదు, నా దగ్గర డబ్బులు లేవు, ఉన్నవాళ్ళుంటారు,పోయినవాళ్ళు పోతారననట్టు.

అరవై ఏళ్ళకితం మాట అదో పల్లెటూరు, ఊరంతా చక్కహా నిద్దరోతోంది.నేనొక్కణ్ణీ ఆఫీసులో స్విచ్ బోర్డ్ దగ్గర కూచుని ఉద్యోగం చేస్తున్నా! మొదటిలో చాలా ఆనందంగా ఉండేది, ఊరంతా నిద్దరోతోంటే మనం ఒకళ్ళం మెలుకువగా ఉండి ఉద్యోగం చేస్తున్నాం అని గొప్పగా ఉండేది. కాలం గడిచింది. ఇదేమి ఖర్మ? ఊరంతా నిద్దరోతుంటే నేనొక్కణ్ణీ మెలుకువగా ఉండడం అనిపించింది. మానవ మనస్తత్వంకదా! ఇలా రోడ్డున పడి ఉద్యోగం చేస్తున్న పోలీసులకి పెళ్ళాం పిల్లలు లేరూ? వాళ్ళకి హాయిగా ఇంటి దగ్గర కూచోవాలని ఉండదూ? డాక్టర్లు నర్సులకి అలా అనిపించదా?

రోడ్ మీద పని లేక ఊరికే తిరిగేవాళ్ళని చితక తన్నుతున్నారు పోలీస్, ఐనా తిరుగుతూనే ఉన్నారు, ఇదేమో? మనమూ ఇటలీలా ఐపోతామా? ఏమో ఏం రాసిపెట్టి ఉందో ఎవరికెరుక.

టముకు

భారత దేశం అంటే పల్లెలే. పాత రోజుల్లో వార్త ప్రజలకి చేరాలంటే ఆనోటా ఆనోటా చేరాల్సి వచ్చేది. వార్తను అదే ఊళ్ళో ఉన్నవారికి చేర్చేందుకుగాను ప్రభుత్వం ఇలా టముకు ద్వారా చార్త చేరేసేది. సాధారణంగా ఇవి కోర్ట్ నుంచి వచ్చిన ఉత్తర్వుల ద్వారా వేలం వేసే ప్రక్రియ గురించిన వార్తలే ఐ ఉండేవి. వ్యక్తుల ఆస్థులను వేలం వేసే సందర్భాలలోనే ఎక్కువుండేవి. ప్రోనోటు బాకీలు తీర్చలేకపోయిన సందర్భాలలో వ్యక్తుల ఆస్థులను జప్తు చేసేందుకు ఇలా టముకు ద్వారా వార్త చేరేసేవారు, వేలంలో పాల్గొనేవారి కోసం. ఈ ప్రక్రియ జరగడం అవమానకరంగా భావించేవారు. అదే టముకుమీద దెబ్బ పడటం అంటే,  డప్పు మీద దెబ్బ పడటం అన్నా! అంటే నీ ఆస్థి జప్తు చేయించి బాకీ వసూలు చేసుకుంటానని..బాకీ తీర్చలేక ఆస్థి జప్తు చేసే స్థితి రావడం అవమానకరంగా భావించేవారు..

కాలం మారింది. ప్రభుత్వం ప్రజలకు వార్త చవేయడానికి ఆ తరవాత కాలంలో వార్తాపత్రికలొచ్చాయి. ఆ తరవాత రేడియో మరో సాధనమయింది. ఐనా వార్త చేరడానికి సమయమూ పట్టేది. ఆ తరవాత టి.వి. వచ్చింది. వార్తల్ని వండి వడ్డించడం మొదలయింది.నిజమేదో అబద్ధమఏదో తెలిస్తే ఒట్టు. ఒక్కో పార్టీకో టి.వి ఛానలు, ఎవరి మాట వారిదే నిజం భగవంతునికే తెలుసు. :)

మరి నేటి కాలంలో వార్త గ్రామము,రాష్ట్రము,దేశమూ కూడా దాటి ఖండాంతరాలకి చేరడం చిటికెలో పని. ఒక్కసారి ఒక్క నొక్కు నొక్కితే మొత్తం ప్రపంచానికి వార్త తెలిసినట్టే. అందుకే మనవారు పెదవిదాటితే పృధివి దాటుతుందనేవారు.అంచేత మాట మాట్లాడే ముందు ఆలోచించాలి.. :) 

వార్త ఇంత సులభం చేరుతోందని సంతోషించాలో అబద్ధపు వార్తలు పెరిగినందుకు విచారించాలో తెలీటం లేదు. ప్రతిదానికి ఫేక్ట్ చెక్ చేసుకోవలసి వస్తోంది. ఇదీ నేటి ప్రారబ్ధం.

కరోనా గురించి కంగారొద్దు, నీలివార్తలు ప్రచారం చెయ్యద్దు. వ్యక్తిగత శుభ్రత పాటిద్దాం. 

దూది ఏకడం-పరుపు కుట్టడం

పత్తి ఏకడం పురాతనమైన వృత్తి. మానవుడు బట్ట కట్టే కాలం నుంచి ఈ పత్తి ఏకే ఉపకరణం ఎన్ని రూపాంతరాలు చెంది ఇలా స్థిరపడిందో చెప్పలేం. దీనికి నేటి కాలంలో కమాన్ అని పేరు. ఐతే పురాతన కాలం లో దీని పేరు ధనురి కర్ర అని నేడే తెలిసింది. ఇప్పుడీ వృత్తిని దూదేకుల వారు చేస్తున్నారు, వారిని నూర్ బాషా అంటారట.నేటి కాలంలో దూది పరుపులు వాడుతున్నవారు లేరు. చక్రం మళ్ళీ మేట్రెస్సులు వదిలేసి దూది పరుపుల దిశగా మళ్ళింది.

చిన్నప్పుడన్నీ దూది పరుపులే. నాలుగేళ్ళ కోసారి దూది ఏకించి కుట్టించేవారు. నాగరికులమైపోయిన తరవాత కాయర్ మేట్రెస్ లు వాడడం మొదలు పెట్టేం. వీటితో నడుము నొప్పి, గాలి ఆడక ఇబ్బంది కలుగుతూనే ఉన్నా నెట్టుకొస్తున్నాం. ఒక దూది పరుపుండిపోయింది, అదిగో దాన్ని మళ్ళీ కుట్టించా. తయారు చేసిన పరుపు బాగుంటే మరికొన్ని కుట్టిస్తానని ఆశ పెట్టా. చాలా బాగా కుట్టేడు, బాగుంది, మరో రెండు కుట్టించా. ఇవి చూసి పక్కవాళ్ళో రెండు కుట్టించుకున్నారు. ఆ తరవాత పక్క అపార్ట్మెంట్ వాళ్ళు తీసుకుపోయారు, కుట్టిన పరుపుల పనితనం చూసి. చేసే పనిలో నైపుణ్యం బుర్రలో గుంజూ, మంచి మాటా ఉన్నవాడెక్కడేనా బతకగలడు

దూది పత్తి కాయల నుంచి,బూరుగు కాయల నుంచీ, జిల్లేడు కాయల నుంచీ తీస్తారు. ఈ దూదిని దారం తీయడం మొదలు, ఇలా పరుపులు కుట్టించుకునేదాకా వాదతారు. ఇక బూరుగుదూది పరుపు బాగుంటుందిగాని వేడి చేస్తుందని వాడరు,ఎక్కువగా. ఇక జిల్లేడు పత్తి వత్తులు చేసి శివారాధనలో వాడతారు. 

ఇదేంటో చెప్పుకోండి చూదాం

ధనురి కర్ర (AKA )కమాన్

करॊ न కరో న= చేయవద్దు.

करॊ न
కరో న= చేయవద్దు.


పీకలదాక త్రావితే,పెంపువహింపగ మత్తున మునిగితే
వెలభామల మూతులు నాకితే,పాయకితరుల చేతులు పిసికితే
పాచిన జిలేబి మెక్కితే,దుష్ట జిలేబి మెచ్చి గుచ్చితే
ఎటుల కరోన సోకక మాను పవన సుతా!


పద్యం నా స్వంతమేం కాదు! లిజిబే గారిది, పవన్ గారి బ్లాగు సౌజన్యంతో!

కరోన అంటే చేయవద్దని అర్ధం హిందీలో. ఏం చేయద్దూ?

1.చేతులు పిసుక్కోవద్దు: ఎదుటివారి దగ్గర చేతులు పిసుక్కోవడం బానిసత్వ లక్షణం. ఆపని చేయద్దు. మరొకరి చేతులూ పిసకద్దు. దీనివల్ల అంటువ్యాధులు అందునా కరోనా లాటివి వ్యాపిస్తాయి. 

2.మూతులు నాక్కోవద్దు: ఆడ మొగ తేడా లేక సమయం సందర్భమూ కాక, వావి వరుసా లేక మూతులు నాక్కుంటే కరోనా వచ్చి తీరుతుంది.

ముద్దిస్తానని దగ్గితే పారిపోయిన వీరులు :)

3.హగ్గులొద్దు:హగ్గులంటే కౌగిలింతలు.ఇవీ కరోనా వ్యాప్తికి తోడు. హగ్గులు లేకపోతే ఎలా? ఇంట్లో,వీధిలో ఇష్టమైనవారందరినీ హాగ్ చేయకపోతే వాళ్ళేమనుకుంటారూ. వోరి నీ హగ్గు కూలిపోను గుచ్చి కౌగలింతలు పాతవేనోయ్! నువ్వేం కొత్తగా కనిపెట్టలేదుగాని. దానికి సమయం సందర్భం ఉంటుంది. హగ్గులొద్దు, కిస్సులూ వద్దు. కిస్ ఫెచివల్స్ చేసుకుంటే కరోనా ఏ ఆపై మీ ఇష్టం. In front crocodile festivals.

4.పెగ్గులొద్దు:సిగ్గులు లేవు, హగ్గులూ లేవు, పెగ్గులూ వద్దు అంటే ఎలా? నాలుగు పెగ్గులు మింగితే కారోనా దగ్గరికి రాదట (ష). పిచ్చి పడిపోకు, నాలుగు పెగ్గులేసుకుంటే కరోనా కి తలుపులు బార్లా తెరిచినట్టే! ఏసుకో నా రాజా! ఏస్కో, ఆకేసుకో వక్కేసుకో ఆపైన చుక్కేస్కో!!  ఆపైనా కరోనా పక్కేస్కో!

5.Avoid packed and food on streets:వామ్మో హిమ క్రిములొద్దా! పానీ పూరీ లొద్దాంటే ఎలాబాబూ, నాలిక పీక్కుపోదూ, పిల్ల పేరు చెప్పి పట్టుకొచ్చే పేకట్లు పిల్లలతో పాటుగా తినకపోతే పిల్లలు నొచ్చుకోరూ :) ఏదీ వద్దంటే ఎలా చచ్చేదీ

బారు లేదు,బీరు లేదు, పోరిలేదు, చినిమా లేదు, బైస్కోప్ లేదు. ఏమీ లేదు, ఇదా స్వతంత్రం. ఆజాది చాహియే ఆజాదీ. తుపాకీ గుండు కంటే బలమైన కరోనా ఉన్నది అందుకో! నా ఇష్టమొచ్చినట్టు చేస్తాను కాదనువారెవరూ కళ్యాణ రామా! కాదనువారెవరూ! మా కేం అభ్యంతరం లేదుగాని ఒక్క మాట. నా ఇల్లు నా సొంతం తగలబెట్టుకుంటానంటే కుదరదు. నీ ఇల్లు తగలబెట్టుకుంటే అగ్గి అక్కడితో ఆగదు. ఊరు తగలబడుతూంది, అంచేత నీ ఇల్లు నువ్వు తగలబెట్టుకో లేవు. ఇదీ నీ స్వాతంత్రం, తెరియమా? 

అదేం కుదరదు నా ప్రాణం నా ఇష్టం, ఆజాదీ,ఆజాదీ కరోనా యా మరోనా !
ఆగు ,ఆగు, నా ఇష్టం ఛస్తానంటే కుదరదు, నువు కరోనా తో ఛస్తే పూడ్చి పెడితే మరొకరికి అంటుకుంటుంది, చాలా మంది ఛస్తారు, అందుకు తగలబెట్టాల్సిందే!

కరోనా తో చచ్చినవాళ్ళని పూడ్చకండి, తగలబెట్టండి. ఇది వర్ల్డ్ హెల్త్ వారి మాట. కరోన,కరోన, కరోనా!!!

ప్రయాణాలొద్దు, ఎవరినీ దేనినీ అనవసరంగా ముట్టుకోవద్దు, నీ ముక్కు మూతి T సెంటర్ని కూడా. కరోనా! 

ప్రపంచంలో ప్రతి ఇంటి ముందు లోపల అన్ని దేశాలలో కరోనా గార్డులున్నారు, యమభటులు కరోనా రూపంలో కనపడకుండా తిరుగుతున్నారు. తస్మాత్జాగ్రత! జాగ్రత!! జాగ్రత!!!

खून कि दलाली

మృత్యు బేహారులు. మేరా భారత్ మహాన్
కరన్సీతో పాటు కరోనా కూడా వస్తుంది. పాపం సొమ్ము లెక్కెట్టుకుంటే కారోనా మహమ్మారి నిన్నే ఎత్తుకుపోతుందో నరుడా!

మాస్క్ తయారు చేసుకోడం ఎంత వీజీయో!

చావక మిగిలినవాళ్ళకి మోకాల్లోతు కూడని బ్రహ్మంగారి మాట.
Videos: Credits to Whats app University.
Secret caution message leaked from the office of  YAMA through WHO

అరణ్య రోదన

అరణ్య రోదన

అరణ్య రోదన అనగా అడవిలో ఏడవడం. అడవిలో ఏడవడమెందుకూ? గ్రామంలో ఏడిస్తే ఆర్చేవారూ తీర్చేవారూ లేక. అదేంటీ? మానవులకు ఆరు ఊర్ములు ఉంటాయి. అవి ఆకలి,దప్పిక, జర,మరణం;మోహము,శోకము. ఇందులో ఏ ఒక్కదాన్ని ఎవరిది వారే అనుభవించాలి తప్పించి మరొకరికి బదలాయింపు కుదరదు. అందుకే ఎవరి ఏడుపు వారే ఏడవాలి,మరొకరు ఏడవరు. గ్రామంలో ఎవరి ఏడుపువారు ఏడుస్తుంటే మరొకరెవరు ఆరుస్తారు,తీరుస్తారు. మరి అడవిలో తీర్చేవారుంటారా? పూర్వకాలంలో సాయంత్రం వేళ పార్వతీ పరమేశ్వరులు ఆకాశమార్గాన విహారం చేస్తున్నపుడు ఇలా అడవిలో ఒంటరిగా ఏడుస్తున్నవారిని ఓదార్చి వారికి మంచి చెసేవారని పెద్దల మాట. అందుకు ఊళ్ళో కాక అడవిలో ఏడిస్తే ఎప్పటికైనా దేవుడు కరుణించకపోతాడా అని ఆశ. అందుకే అరణ్య రోదనం అన్నారు. ఇప్పుడీ అరణ్య రోదన సంగతేల


శ్రీ జి.పి.శాస్త్రి అనే గుఱ్ఱం ప్రభాకర శాస్త్రి గారొక రిటయిర్డ్ ప్రొఫెసరు. వారు తెనుగులో ఒక పద్యాల పుస్తకం వేశారు. ఆ పుస్తకాన్ని నాకు పంపే సందర్భంలో జిలేబి నాకు శాస్త్రి గారిని పరిచయం చేశారు.పారితోషికం పంపించే సందర్భంగా ఒకటి రెండు సార్లు మెయిలిచ్చారు. అదే పరిచయం. పెద్దవారు కదా వీరికి జరుగుతున్నది విన్నవిద్దామనుకుని చెప్పేను. వారు నాకు తెనుగే తెలియదన్నారు. తెనుగులో పద్యాలల్లి పుస్తకాలేసినవారు తెనుగు రాదంటే అర్ధమే కాలేదు. జిలేబి మాయలో మరో మాయ.