లలితా సహస్రనామ స్తోత్రం-భాగం 4

 లలితా సహస్రనామ స్తోత్రం-భాగం 4

 కామేశ్వరాస్త్ర నిర్దగ్ధ  సభండాసురశూన్యకా

బ్రహ్మోపేంద్ర మహేంద్రాది దేవసంస్తుత వైభవా.

హరనేత్రాగ్ని సందగ్ధ కామ సంజీవనౌషధిః

శ్రీమద్వాగ్భవకూటైక స్వరూప ముఖపంకజా  

కంఠాధః కటిపర్యంత మధ్యకూట స్వరూపిణీ

శక్తికూటైకతాపన్న కట్యధోభాగధారిణీ 

మూల మంత్రాత్మికా మూలకూట త్రయ కళేబరా

కులామృతైక రసికా కులసంకేత పాలినీ    

కులాంగనా కులాంతస్థా కౌళినీ కుళయోగినీ

అకుళా సమయాంతస్థా సమయాచార తత్పరా

మూలాధారైకనిలయా బ్రహ్మగ్రంధి విభేధినీ

మణిపూరాంత రుదితా విష్ణుగ్రంధి విభేదినీ  

ఆజ్ఞా చక్రాంతరాళస్థా రుద్రగ్రంధి విభేదినీ

సహస్రారాంబుజారూఢా సుధాసారాభివర్షిణీ     

తటిల్లతా సమరుచి షట్చక్రోపరి సంస్థితా 

మహాశక్తికుండలినీ బిసతంతు తనీయసీ 

భవానీ భావనాగమ్యా భవారణ్య కుఠారికా

భద్రప్రియా భద్రమూర్తిర్భక్తసౌభగ్యదాయినీ   

భక్తిప్రియా భక్తిగమ్యా భక్తివశ్యా భయాపహా

శాంభవీ శరదారాఢ్యా శర్వాణీ శర్మదాయినీ 

శాంకరీ శ్రీకరీ సాధ్వీ శరచ్చంద్రనిభాననా 

శాతోదరీ శాంతిమతీ నిరాధారా నిరంజనా 

నిర్లేపా నిర్మలా నిత్యా నిరాకారా నిరాకులా

నిర్గుణా నిష్కళా శాంతా నిష్కామా నిరుపప్లవా

నిత్యముక్తా నిర్వికారా నిష్ప్రపంచా నిరాశ్రయా

నిత్యశుద్ధా నిత్యబుద్ధా నిరవద్యా నిరంతరా 

నిష్కారణా నిష్కళంకా నిరుపాధిర్నిరీశ్వరా

నీరాగా రాగమథనీ నిర్మదా మదనాశనీ

నిశ్చింతా నిరహంకారా నిర్మోహా మోహనాశనీ

నిర్మమా మమతాహంత్రీ నిష్పాపా పాపనాశనీ

 

అసమ్మతి అంటే..?

 అసమ్మతి అంటే...? అరాచకమా?

లలితా సహస్రనామ స్తోత్రం-భాగం 3

 లలితా సహస్రనామ స్తోత్రం-భాగం 3

 

 కామేశజ్ఞాతసౌభాగ్య మార్దువోరుద్వయాన్వితా

మాణిక్యమకుటాకార జానుద్వయవిరాజితా.

ఇంద్రగోప పరిక్షిప్త స్మరతూణాభ జంఘికా

గూడగుల్ఫా కూర్మపృష్ట జయిష్ణు ప్రపదాన్వితా

నఖదీధితిసంఛన్న నమజ్జన తమోగుణా 

పదద్వయ ప్రభాజాల పరాకృత సరోరుహా

శింజాన మణిమంజీర మండిత శ్రీ పదాంబుజా

మరాళీ మందగమనా మహాలావణ్యశేవధిః 

సర్వారుణా నవద్యాంగీ సర్వాభరణభూషితా

శివకామేశ్వరాంకస్థా శివా స్వాధీనవల్లభా. 

సుమేరు శృంగ మధ్యస్థా/సుమేరు మధ్య శృంగస్థా శ్రీమన్నగర నాయికా

చింతామణి గృహాంతస్థా  పంచబ్రహ్మాసనస్థితా  

మహాపద్మాటవీ సంస్థా కదంబవనవాసినీ 

సుధాసాగర మధ్యస్థా కామాక్షీ కామదాయినీ 

దేవర్షి గణసంఘాత స్తూయమానాత్మ వైభవా

భండాసుర వధోద్యుక్త శక్తిసేనా సమన్వితా  

సంపత్కరీ సమారూఢ సింధురవ్రజసేవితా

అశ్వారూఢాధిష్టితాశ్వకోటి కోటికోటిభితావృతా   

చక్రరాజరథారూఢ సర్వాయుధపరిష్కృతా

గేయచక్రరథారూఢ మంత్రిణీ పరిసేవితా

కిరిచక్ర రథారూఢ దండనాథపురస్కృతా 

జ్వాలామాలినికాక్షిప్త వహ్నిప్రాకారమధ్యగా

భండసైన్య వధోద్యుక్త శక్తి విక్రమ హర్షితా

నిత్యాపరాక్రమాటోప నిరీక్షణసముత్సుకా  

భండపుత్ర వధోద్యుక్త బాలా విక్రమ నందితా

మంత్రిణ్యాంబా విరచిత విహంగ వధతోషితా 

విశుక్రప్రాణహరణా వారాహీ వీర్యనందితా

కామేశ్వర ముఖాలోక కల్పిత శ్రీగణేశ్వరా    

  కరాంగుళి నఖోత్పన్న నారాయణదశాకృతిః 

మహాపాశుపతాస్త్రాగ్ని నిర్ధగ్ధాసుర సైనికా  

లలితా సహస్రనామ స్తోత్రం-భాగం 2

 లలితా సహస్రనామ స్తోత్రం-భాగం 2

అష్టమీ చంద్రవిభ్రాజ దళికస్థల శోభితా

ముఖచంద్ర కళంకాభ మృగనాభవిశేషకా

వదనస్మరమాంగల్య గృహతోరణచిల్లికా

వక్త్రలక్ష్మీపరీవాహ చలన్మీనాభలోచనా

నవచంపకపుష్పాభ నాసాదండవిరాజితా

తారాకాంతి తిరస్కారి నాసాభరణభూసురా

కదంబమంజరీక్లప్త కర్ణపూర మనోహరా

తాటంకయుగళీభూత తపనోడుపమణ్డలా

పద్మరాగశిలాదర్శి పరిభావి కపోలభూః

నవవిద్రుమబింబశ్రీ న్యక్కారి దశనఛ్ఛదా

శుద్ధవిద్యాంకురాకార ద్విజపంక్తి ద్వయోజ్వలా

కర్పూర వీటికామోద సమాకర్షద్దిగంతరా

నిజసల్లాప మాధుర్య వినిర్భర్త్సిత కఛ్ఛపీ

మందస్మిత ప్రభాపూర మజ్జత్కామేశ మానసా 

అనాకలిత సాదృశ్య చుబుక శ్రీవిరాజితా

కామేశబద్ధ మాంగల్య సూత్ర శోభితకంధరా  

కనకాంగద కేయూర కమనీయ భుజాన్వితా

రత్నగ్రైవేయ చింతాకలోల ముక్తాఫలన్వితా

కామేశ ప్రేమరత్న మణి ప్రతిపణస్తనీ

నాభ్యాలవాల రోమాళి లతాఫలకుచద్వయీ

లక్ష్య రోమలతాధారతా సమున్నేయ మధ్యమా

స్తనభారదళన్మధ్య పట్టబంధవళి త్రయీ

అరుణారుణకౌసుంభ  వస్త్ర భాస్వత్కటీతటీ  

రత్నకింకిణికారమ్య రశనా దామభూషితా   

   

లలితా సహస్రనామ స్తోత్రం-భాగం 1

లలితా సహస్రనామ స్తోత్రం-భాగం 1

శ్రీ మాత్రేనమః

శ్రీమాతా శ్రీమహారాజ్ఞీ  శ్రీమత్సింహాసనేశ్వరీ 

చిదగ్నికుండ సంభూతా  దేవకార్య సముద్యతా

ఉద్యద్భానుసహస్రాభా  చతుర్భాహుసమన్వితా  

రాగస్వరూపపాశాఢ్య  క్రోధాకారోంకుశోజ్వలా 

మనోరూపేక్షుకోదండా  పంచతన్మాత్రసాయాకా

నిజారుణప్రభాపూర  మజ్జద్బ్రహoడమండలా

చంపకాశోకపున్నాగ సౌగంధికలసత్కచా

కురువిందమణిశ్రేణీ కనత్కోటీరమండితా

రాజకీయ నిరుద్యోగం పెరిగింది.

 రాజకీయ నిరుద్యోగం పెరిగింది.

 దేశంలో రాజకీయ నిరుద్యోగం పెరిగింది, తార్కాణం అలజడులు. ఈ నిరుద్యోగం లో మొదటి వారు కాంగ్రెస్, SP,ఆప్, తృణమూల్, కమ్యూనిస్టులు, చివరగా DMK.

సాంవత్సరికము.

 సాంవత్సరికము.

అంటే ప్రతి సంవత్సరమూ వచ్చేదంటోంది ఆంధ్రభారతి, ఇంకా తద్దినము అని కూడా చెప్పేసింది.  తద్దినము అంటే ఆ రోజు అని అర్ధంట. ఆ రోజు ఏరోజు? అదిగదా కొచ్చను? అదే పెద్దలు కాలంచేసినరోజు అన్నారు. వార్ని తద్దినం అంటే ఇంత తిరకాసా!

నా దత్త తల్లి తండ్రులిద్దరికి నేనంటే బహు ప్రేమ,అందుకే కూడబలుక్కుని సంవత్సరాలు తేడాగా శ్రావణ,భాద్రపదాల్లో,ఒకటే పక్షంలో,ఒకటే తిథిలో కాలం చేసేరు,నేను మరచిపోకుండా ఉండడానికే ఐ ఉండచ్చనిపిస్తుంది. ఒకటి కిందటి నెలలో గడచిపోయింది, మరొకటి తొందరలోనే వచ్చేస్తోంది. ఇదొక సాంవత్సరికం.

భాద్రపదమాసం,బహుళపక్షాన్ని పితృ పక్షం అంటారు. ప్రతి సంవత్సరం ఈ పక్షంలో పెద్దలను తలచుకుని తర్పణం ఇవ్వడం,శ్రార్ధం చేయడం అలవాటు. మరి ఇద్దరూ ఒకటే తిథిలో కాలం చేయడంతో, రెండు తద్దినాలు ఒకరోజు రావడంతో ఇంట్లోవాళ్ళు అంతా ఇబ్బంది పడిపోయేవారు,కార్యక్రమాలు పూర్తి ఐ భోజనాలు పూర్తి అయ్యేటప్పటికి చుక్కలు కనపడేవి. అన్న శ్రార్ధం  చేయడం మానేసి ఆమ శ్రార్ధం చేయడం మొదలుపెట్టా, అంతసేపు ఉండలేక. ఇది సాంవత్సరికమే, రేపటినుంచే పితృపక్షం మొదలు. ఇదీ ఇప్పుడే వచ్చేసింది,ఇదొక సాంవత్సరికం.       

సంవత్సరానికి ఒకసారి నేనింకా బతికున్నానని ఒక సర్టిఫికట్ ఇవ్వాలి,దాని కాలమూ పూర్తయిపోయి ఇప్పటికప్పుడే రెండు రిమైండర్లు  వచ్చేయి. ఈ సాంవత్సరికము ఇప్పుడే వచ్చేసింది.  

ఇంతతో అయిందా! ప్రతి సంవత్సరము అర్ధ సంవత్సర బేంకు ఆర్ధిక నిలవలు చూసే సమయమూ ఈ నెల చివరికి వస్తుంది. దీనితో పాటే చివరి పనిచేసే మూడు రోజులూ దేశం మొత్తం మీద బేంకు సిబ్బంది సమ్మె చేసే సాంవత్సరీకాల  కాలమూ వచ్చేసింది. 

ఈనెల చివరంతా సాంవత్సరీకాల సీజన్ నడుస్తున్నట్టుంది,నాకు.  

మాట తప్పను

మాట తప్పను

( నేడు వామన జయంతి)

కారే రాజులు? రాజ్యముల్ గలుగవే? గర్వోన్నతిం బొందరే? 

వారేరీ సిరిమూటఁగట్టుకొని పోవం జాలిరే? భూమిపైఁ

బేరైనం గలదే? శిబిప్రముఖులుం బ్రీతిన్ యశః కాములై

యీరే కోర్కులు? వారలన్ మఱచిరే యిక్కాలమున్? భార్గవా!

 ఆదిన్ శ్రీసతి కొప్పుపైఁ, దనవుపై, నంసోత్తరీయంబుపై,

బాదాబ్జంబులపైఁ, గపోలతటిపై, బాలిండ్లపై నూత్నమ

ర్యాదం జెందు కరంబు గ్రిం దగుట మీఁదై నా కరంబుంట మేల్

గాదే? రాజ్యము గీజ్యమున్ సతతమే? కాయంబు నాపాయమే?

నిరయంబైన, నిబంధమైన, ధరణీ నిర్మూలనంబైన, దు

ర్మరణంబైనఁ గులాంతమైన నిజమున్ రానిమ్ము; కానిమ్ము పో;

హరుఁడైనన్, హరియైన, నీరజభవుం డభ్యాగతుండైన నౌఁ;

దిరుగన్ నేరదు నాదు జిహ్వ; వినుమా; ధీవర్య! వే యేటికిన్?

.

నొడివినంత పట్టు నుసలక యిచ్చుచో

నేల కట్టు విష్ణుఁ డేటి మాట?

గట్టెనేనిఁ దాన కరుణించి విడుచును

విడువకుండ నిమ్ము విమలచరిత! "

బ్రతుక వచ్చుఁగాఁక బహుబంధనములైన

వచ్చుఁగాక లేమి వచ్చుఁగాక

జీవధనములైనఁ జెడుఁగాక పడుఁగాక

మాటఁ దిరుఁగ లేరు మానధనులు.

Courtesy:https://pothana-telugu-bhagavatham.blogspot.com/

స్వగ్రామంలో శ్రీపాద సుబ్రహ్మణ్య శాస్త్రిగారి విగ్రహ ప్రతిష్టకు సన్నాహాలు.

DOB.23.4.1891. DOD25.2.1961

 శ్రీ శాస్త్రిగారు కాలంచేసి అరవై ఏళ్ళు దాటింది,నేటికి స్వగ్రామంలో వారి విగ్రహాన్ని ప్రతిష్టించుకోవాలనే కోరిక ప్రజల్లో కలిగింది. అస్తు! శుభం.

వీరి విగ్రహం ఇప్పటికే రాజమహేంద్రవరంలో కోటిపల్లి బస్ స్టాండు ఎదురుగా ఉన్నది.  తెనుగునాట ఒక కవికి విగ్రహం ప్రతిష్టించడం చెప్పుకోదగినదే!అందునా స్వగ్రామంలో

justice delayed is....

justice delayed is.....

 https://www.ssbcrack.com/2026/09/crpf-havildar-who-became-sadhu-returns-to-duty-after-27-years-following-legal-battle.html

CRPF Havildar Who Became Sadhu Returns to Duty After 27 Years Following legal Battle For years, Tomar lived between two worlds, performing worship at a temple while simultaneously fighting through the courts for the right to wear his uniform again. By SSBCrack Last updated: September 2, 2026 Share Bijapur / Morena, September 2, 2026: After nearly three decades away from service, Girvar Singh Tomar has made an extraordinary return to the uniform of the Central Reserve Police Force (CRPF), bringing to an end a 27-year struggle that began with his dismissal from the force in 1999. IMA Mug ₹499 Shop Now IAF Mug ₹499 Shop Now NDA Mug ₹499 Shop Now Navy Mug ₹499 Shop Now NSG Coffee Mug ₹499 Shop Now The 54-year-old native of Chhichhawali village in Madhya Pradesh’s Morena district recently reported for duty with the CRPF’s 85th Battalion in Bijapur, Chhattisgarh. His return is particularly remarkable because much of the period between his dismissal and reinstatement was spent living the life of a sadhu. On the night of August 25, Tomar boarded a train from Morena for his new posting. After reaching Bijapur the following morning, one of his first stops was a barber shop. The long hair and flowing white beard he had maintained during his years as a sadhu were cut away. By afternoon, the mustard-coloured robes associated with his spiritual life had been replaced by a crisp CRPF khaki uniform, cap and polished boots. More Read Indian Army Signs MoU with Jaipur School, Offers Up to 50% Fee Concession for Soldiers’ Wards Lieutenant Badal Tops Young Officers’ Course at College of Military Engineering Pune Indian Army Major Questioned as Madras Regiment Armoury Theft Probe Widens; 12 Firearms Still Untraced “It is all by the grace of God. It feels as if I have returned home,” Tomar said after rejoining the force. Tomar joined the CRPF in 1991 and served for around eight years before his career was abruptly interrupted. His service came to an end on October 21, 1999, following a departmental inquiry arising from a dispute involving a senior officer. Tomar has maintained that the allegation at the centre of the dispute — that his bicycle had struck the officer’s vehicle — was false. According to him, his decision to contest the accusation ultimately made matters worse. “I contested the allegation that my bicycle hit his vehicle. That made the situation worse,” he recalled. Court records identify him as Constable Driver Girwar Singh Tomar, force number 913126828, and state that he was charge-sheeted in July 1999. Following his dismissal, his departmental appeal and subsequent revision were rejected in 2000. Unwilling to accept the decision, Tomar approached the Allahabad High Court, beginning what would become a legal battle spanning more than two-and-a-half decades. A significant breakthrough came on April 10, 2007, when a single judge of the Allahabad High Court concluded that even if the allegations against Tomar were accepted, the punishment of dismissal was harsh and disproportionate to the alleged misconduct. The court consequently granted him relief. However, his return to service was still far away. The Union of India and the CRPF challenged the ruling through a special appeal and secured a stay. The litigation subsequently remained pending for years, leaving Tomar in an unusual state of uncertainty over his future. As the legal proceedings dragged on, Tomar’s life took a dramatically different direction. After returning to Morena, he joined the Nirmohi Akhara around 2001 and embraced the life of a sadhu. He became known as Baba Girvar Das and later as Girvardas Maharaj. He initially spent time at the Barahdwari temple near his village before spending around two decades at Morena’s Gufa Mandir. His days were increasingly devoted to prayer and temple duties, but his fight to regain his CRPF service continued. Tomar reportedly travelled for court proceedings whenever required, moving between his spiritual responsibilities and a legal battle over a uniform he had once worn. Despite becoming a sadhu, he remained connected with his family. Tomar is the son of Damodar Singh Tomar. His wife, Manju Devi, and their four children remained part of the household he continued to support. His daughters Shivani and Radha are married, while one of his sons, Abhishek, serves in the Indian Air Force. His other son is Krishna. The decisive development finally came in August 2025, when a Division Bench of the Allahabad High Court disposed of the Union government’s appeal and directed that Tomar be taken back into service within three months. Even then, his reinstatement was not immediate. The CRPF reportedly faced difficulties retrieving records connected to a case dating back more than two decades. Further notices followed as Tomar waited for the High Court’s direction to be implemented. Nearly a year later, the long wait finally ended. The CRPF issued orders for him to rejoin service around August 26, 2026, posting him with the 85th Battalion in Bijapur. From his dismissal in October 1999 to his return to uniform in August 2026, Tomar had spent almost 27 years fighting to regain his place in the force. His return also meant entering a CRPF very different from the one he had left behind. Most of the personnel with whom he had once served have long since retired or moved on. Tomar said only one or two people from his earlier period of service remain, but his new colleagues welcomed him warmly. “Only one or two people from my time remain, but colleagues here are so welcoming and caring, it is as if I never left,” he said. Despite exchanging his robes for the CRPF uniform, Tomar says his return to service does not represent an abandonment of his spiritual beliefs. The years spent as Baba Girvar Das remain an important part of his life, even as he resumes the duties of a uniformed member of the force. He has also indicated that his battle may not be entirely over. Tomar intends to pursue the promotions and associated service benefits he believes he would have received had his career not been interrupted by the dismissal. His story stands out even among India’s many prolonged service-related legal disputes. A CRPF personnel dismissed from service, a court battle lasting nearly three decades, approximately two decades spent living as a sadhu, and finally a return to active duty at the age of 54 make his case exceptionally unusual. For years, Tomar lived between two worlds — performing worship at a temple while simultaneously fighting through the courts for the right to wear his uniform again. Now, after 27 years of petitions, appeals, stays and waiting, the mustard robes of Baba Girvar Das have once again given way to CRPF khaki. For Girvar Singh Tomar, returning to the 85th Battalion is more than simply resuming a government job. It marks the restoration of a career he had fought nearly half his life to reclaim — and an extraordinary homecoming to the uniform he first wore in 1991.

Read More: https://www.ssbcrack.com/2026/09/crpf-havildar-who-became-sadhu-returns-to-duty-after-27-years-following-legal-battle.html

గిరి జామాతను గిరిజామాతను

                       తలతును నే గిరి జామాతను గిరిజామాతను

తలతును గోవర్ధన గిరిధారిని తన దేవేరిని

తలతును సత్యలోక నివాసిని సరస్వతిని

తలతును నేవారిని యెల్లవేళల తాదాత్మ్యమునన్!
Courtesy:Anant

పెరటి మామిడిచెట్టు-లే...దు.

పెరటి మామిడిచెట్టు-లే...దు. 

పచ్చటి చెట్టు తీసేస్తున్నారే ఒకరి ఓదార్పు.

మామిడాకులకి మరెక్కడికిపోవాలో మరో ఇల్లాలి వేదన.

పళ్ళు కాయలుబాగుండేవి,తీసేస్తున్నారేంటో  మరొకరివగపు. 

 శ్రావణమాసం వెళ్ళనివ్వకపోయారా? మరొకరి మాట. 

ఇలా అన్న ఈ నోళ్ళే ఒకప్పుడు చెట్టు తీసెయ్యండి,దోమలొస్తున్నాయి,చీమలొస్తున్నాయి,పాములొస్తున్నాయన్నవే! నేటికిన్నీ అవశేషాలు పూర్తిగా తొలగింపబడలేదు.  

ఇదెలా జరిగింది?  

చెట్టు తీసెయ్యమన్న మాట ఈనాటిదికాదు,దశాబ్దం పైగా ఉన్నదే. చివరికి ఇల్లాలి ఆరోగ్యానికి కూడా లింక్ పెట్టి భయపెట్టడమూ జరిగింది. కాని నేనూ ఇల్లాలూ కూడా ఏకవాక్యంగా ఖండించడం జరిగింది. ఈ మధ్య ఈ మాట కొంత ఊపుతీసుకున్నది. అబ్బాయి నాతోనే చెట్టు తీసేద్దాం అన్నాడు. ఏదో చెప్పాను,ఎందుకు తీసేద్దాం అంటే కారణాలు చెప్పలేకపోయాడు. ఆకులు రాలితే ఎత్తించుకోండని సలహా చెప్పి ఊరుకున్నా. ఆ తరవాత కొంత కాలానికి కుటుంబ సమావేశంలో మరలా చర్చకు వచ్చింది. చివరిమాటగా నేనున్నంత కాలం ఉంచండి,ఆపై మీ ఇష్టం అని వీటో చేసేసేను. 

మరోసారి చర్చకు వచ్చింది. నిరుడు కాయలేదు,ఈ సంవత్సరం కాస్తుంది,పై సంవత్సరం తీసేద్దామన్నా. అయిష్టంగానే ఊరుకున్నారు. 

కాలం గడిచింది,మొన్ననొక రోజు ఎండ మాడుస్తోంది. మధ్యాహ్న భోజనం తరవాత కునుకు తీసి లేచేటప్పటికి కరంటు పోయింది. ఎప్పుడు పోయిందని వాకబు చేస్తే మీరు పడుకున్న అరగంటకన్నారు. ఏమయిందిట అడిగితే మన ఎదురుగానే 11 కె.వి వైర్ తెగింది. కబురు చెప్పేరట,వస్తామన్నారు. వేడికి తెగి వుంటుందన్నా. కాదు వెనక పెరటిలోని పెద్ద ఉసిరి చెట్టు వేళ్ళతో సహా గాలికి లేచిపోయి, లైన్ మీద పడిందని నెమ్మదిగా చెప్పేరు. ఈ సారి మరలా కుటుంబ సమావేశంలో మన మామిడి చెట్టుకూడా ఆ రోజు ఊగింది,అదౄష్టం మన చెట్టు నిలిచింది అన్నారు. ఆపై మన చెట్టుకూడా ఇలా ప్రమాదం కొనితెస్తుందేమో, బిల్డింగుల మధ్య ఉన్నది, అని భయం పాదుకొలిపేరు. ఆపై మనచెట్టు తీసేద్దాం అన్నారు,మూకుమ్మడిగా, వీటొ చేయలేకపోయాను. అంతేకాదు. నేటికాలం వారిది,వారి ఆలోచనలు,అవసరాలు వేరు,వాటిని కాదని ఎదురు చెప్పడం మంచిదికాదనే జ్ఞానజ్యోతి వెలిగింది,దానితో  ఇష్టం లేకనే తీర్మానానికి తలొగ్గేను. అంతే నిమిషాల్లో పురమాయింపులైపోయాయి. శుక్రవారం సాయంత్రం నెట్ వైర్ దింపి పట్టుకుపోయాడు. శనివారం పొద్దుట పని ప్రారంభించారు. శనివారం ఉదయమే చెట్టు దగ్గరకు చేరి ఇలా ప్రార్ధించాను.     

 

"ఓ వృక్షరాజమా! ఇంతకాలం నీవు మాకు నీడ,ఇచ్చావు. మా శభం కోరి ఆకులిచ్చావు,కాయలిచ్చావు,పళ్ళు తిన్నాం.  నేడు నీవా 40 అడుగులపైన పెరిగావు,శాఖలతో బాగా విస్తరించావు. ఒక వేళ గాలికి జరగరానిది జరిగితే అనే భయంతో నిన్ను తీసేస్తున్నాము,మరో చోట పెంచడానికి ప్రయత్నం చేస్తాను. నిన్ను కంటికి రెప్పలా కాచి చూచుకున్న ఇల్లాలు గతించింది,నేనా గత ఎనిమిదేళ్ళుగా నీ మంచి చెడ్డలు చూడలేదు,ఇక చూడలేను. నన్ను క్షమించు, అని నమస్కారం చేసి ఒకసారి మనసారా కావలించుకుని కన్నీటితో వీడ్కోలు చెప్పేను." 

ఆపై ప్రతిరోజూ పని పూర్తి ఐన తరవాత మాత్రమే చూసాను. నలభై ఏళ్ళు పెంచినచెట్టు నాలుగురోజుల్లో భూమట్టానికి చేర్చేసేరు. 

మరోసారి వృక్షరాజానికి మనఃపూర్వక నమస్కారం తెలుపుతూ శ్రద్ధాంజలి ఘటిస్తున్నాను.  

       

 

ఎలపట దాపట.

 ఎలపట దాపట.

ఎలపట దాపట అనే పదాలకి అర్ధం నేటి కాలంవారికి తెలిస్తేనే విశేషం. ఈ పదాలు నిఘంటువులకి కూడా ఎక్కినట్టవుపడటం లేదు. 

ఎలపట దాపట ఎడ్లదోలుకో

చాలు తప్పక కొండ్ర వేసుకో

ఇత్తనమ్ములిసిరిసిరి జల్లుకో

సినిమాలో కొసరాజువారి గీతంలో పల్లెటూరి వాసనకొడుతున్న మాటలు.🤣

ఇప్పుడెందుకీ గోల అనికదా విసుగు చూపుతున్నారు. చిత్తగించండి. 

సుగర్ వ్యాధి ఉన్నవారికి మెట్ఫార్మిన్ వాడక తప్పదు. అలా మెట్ఫార్మిన్ వాడినా,వాడకపోయినా అవకరాలు తప్పవు. కళ్ళు,కాళ్ళు పోవడం అందులో కొన్ని. ఇప్పుడివన్నీ ఏకరువుపెట్టి మిమ్మల్ని ఇబ్బంది పెట్టను. కళ్ళు పోవడం అంటే కనపడకపోవడం. ఇది కాట్రాక్టుతో మొదలవుతుంది.

ఇలా చాలా సంవత్సరాలు ఎలపటలో కాటరాక్టు పెరగడం తో ఒక కంటితో ఇబ్బంది పడలేక ఎనిమిదో పదిలో పుట్టినరోజు బల్లేక్కేను,అంటే మా పల్లెటూరి భాషలో సర్జరీ  చేయించుకుని కళ్ళజోడేసుకుని కాలక్షేపం చేసా, దాపటకన్ను మొండికేసి ఉన్నదే కాని ఎలపటకన్ను మొండికెయ్యడం ప్రారంభించింది.  డాక్టర్ గారి దగ్గరికిపోయా. ఆయన చూసి బల్లెక్కండి తప్పదు అని చెబుతూ ఈ చిన్నకత చెప్పేరు. 

మీలాటి రైతు ఎడ్లని బండికి అరకకి కట్టి పని చేయించుకునేవాడు. ఎలపట మొండి కేసింది. భారం దాపట మీద పడి కొంతకాలాని అదీ మొండి కేసింది. దాంతో బండాగిపోయింది. ఎలపటని పనిలో తర్ఫీదిచ్చి ఉపయోగించుకోడం మొదలెట్టేడు. పని జరుగుతోంది కదా అని అశ్రద్ధ చేసేడు. దాపటకి తర్ఫీదివ్వక వదిలేసేడు. దాంతో రెండెద్దులూ పని చెయ్యక బండి మొండికి పడిపోయింది. అలా కాకుండా ఉండాలంటే బల్లెక్కాల్సిందే,అన్నారు. భయపడుతున్నారని కోడలమ్మాయి కొస ఇచ్చింది. దానికి డాక్టర గారు మొదట బల్లెక్కినప్పుడే భయపడలేదు కదా! మరి ఇప్పుడెందుకూ భయం అన్నారు. తేరుకోగలనా అనేదే భయంసార్,చెప్పేసా!  ఓస్! అదా భయం లేదు,నేనున్నగా అన్నారు. బలెక్కేసేను. 

సర్జరీకి మేడం వచ్చారు. ఇదేమిరా అనుకున్నా. బల్లమీద బుట్టలో తలపెట్టుకు పడుకున్నా. రోటిలో తలదూర్చి రోకటిపోటుకు వెరువ తగునా అనే సూక్తి గుర్తు చేసుకున్నా. సర్జరి మొదలుపెడుతూ మేడం ఇలా లైట్ కేసి చూడండి, చేతులు పక్కనపెట్టుకోండన్నారు. తెలిసినదేగా, అలాచేస్తూ నాకు తెలియకనే కను రెప్ప వాలుతోంది అన్నా! అదా నేను చూకుంటాలెండి అని భరోసా ఇచ్చారు. ఇంకేం! ధైర్యం వచ్చేసింది. పది నిమిషాల్లో బల్లదిగమన్నారు. రెండు చేతులూ ఎత్తి చూపు ప్రదాతకి నమస్కారం చేస్తే, కన్ను బాగుంది భయంలేదన్నారు. ఇంటికెళ్ళచ్చన్నారు. మరునాడు డాక్టర్ గారు కన్ను చాలాబాగుంది. మీకెలా ఉందని అడిగితే చాలా బాగుందని చెప్పేను.     జాగ్రత్తలు  చెప్పి కంటిలో చుక్కలేసుకోమని ఇచ్చి పంపేసేరు. 20 రోజుల తరవాతెళ్ళేను. చెక్ చేచేసేరు, కళ్ళ జోడు కొత్తదానికి రాసిచ్చారు. వెలుతురు చూడడం కష్టంగా ఉందంటే కంటిలో మరికొద్దికాలం చుక్కలేసుకోమన్నారు. వెలుతురుకు కన్ను అలవాటు పడుతుందని చెప్పడంతో మరో వారం అన్నిటికి దూరంగా ఉండిపోయాను. కొత్త కళ్ళజోడు రావడానికి కొంత ఆలస్యమయింది. నేడు క్షురకర్మచేయించుకుని నెత్తిననీళ్ళు పోసుకుని ఇలా తయారయ్యాను.

 గత రెండు నెలలకితం  శ్యామలీయంవారు రెండు కళ్ళూ విజయవంతంగా సర్జరీ చేయించేసుకున్నారు. అలాగే విన్నకోటవారు, మొదటికన్నుసర్జరీ  తరవాత, కొద్ది ఎక్కువ విరామం  తరవాత రెండవకన్ను చేయించుకున్నారు. విజయవంతంగానే ఉన్నారు. కళ్ళజోదుకు మరువారం వెళతారు. 

నా కళ్ళు ఇరవైల్లోనూ మనసు ముఫ్ఫైల్లోనూ వయసు తొమ్మిది పదుల్లోనూ నడుస్తోంది. అంతా కొత్తగా ఉంది.  🤣

ఇదీ ఎలపటదాపట కత.     

శుభమస్తు   

with new glasses.
    

నేటి వైద్యం తీరు

  నేటి వైద్యం తీరు.

Courtesy. Owner through WhatsApp.

విత్తం కొద్దీ వైభోగం.

రాత్రివేళ డబ్బు లెక్కించకు.

రాత్రివేళ డబ్బు లెక్కించకు.

పెద్దలమాటిది.ఏం? కొచ్చను నేటి మాట.

రాత్రి కుటుంబ సభ్యులు అంతా నిద్రపోయే సమయం. నీవు డబ్బు లెక్కించడం మొదలు పెడితే భార్యకు ముందు నిద్ర చెడుతుంది. లెక్కలో తేడా ఒక్క రూపాయొచ్చినా మనసు వ్యాకుల పడుతుంది,ఎక్కడ పారేసేను?ఎవరు కొట్టేసి పట్టుకుపోయారు?పడిపోయిందేమో కింద,వెతుకుదాం. ఇలా రకరకాల ఆలోచనలతో సరే తరవాత చూదామనుకున్నా,రాత్రి నిద్ర పట్టదు. సొమ్ము పోయిందేమో అనే పూనకం ఆవహిస్తే ఆ రాత్రివేళ ఇంటి అందరిని లేపికూచోబెట్టి పంచాయతీ జరపచ్చు. ఇలా రకరకాల పోకడలు రావచ్చు. ఇది టూకీగా చెప్పడం. అంచేత రాత్రి డబ్బు లెక్కించకు. 

 ఎంతచెట్టుకు అంత గాలి.

చెట్టుగాలి వీస్తుందా? వీచదు. తనను ఆవహించిన గాలిని నిరోధించి పక్కలకు నెట్టుతూ తాను ఊగుతుంది,తాను గాలి సృష్టించదు. మరిదేమి మాట? చెట్టు ఎంత పెద్దదైతే అంత వ్యాపించి ఉంటుంది,అంతగాలిని నిరోధించి పక్కలకు నెడుతుంది. అలాగే ఎంత ఎక్కువ రాబడి ఉన్నవారికి అంతకు తగిన ఖర్చులూ ఉంటాయి,అని చెప్పడమే ఈ మాట అర్ధం. ఎవరి తాహతును బట్టి వారి సంపాదన అలాగే ఖర్చూ వారి తాహతును బట్టే ఉంటుందనీ, ఎవరి అదృష్టం,యోగ్యతలను బట్టే సంపాదన,ఖర్చూ గౌరవాలుంటాయని తాత్పర్యమని నా ఊహ.   

మూర్ఖునితో, నీచునితో వివాదపడకు.

తెలియక ఒకరితో వివాదపడ్డాము. ఆ పెద్దమనిషి మూర్ఖుడని గుర్తించాము,అంతే కాదు గుణంలో నీచుడని గుర్తించాము. ఆపై చేయవలసినదేమి? వారిని మరల దరిజేరనీకు,వారి దరి జేరకు. వీళ్ళనే "న స్మరంతిగాళ్ళు" అంటారు పెద్దలు. అంటే గుర్తు తెచ్చుకోవడం కూడా కూడదని పెద్దలమాట.

ఒకవేళ వివాదం కొనసాగిస్తే మన చెప్పుతో మన దవడమీద మనమే కొట్టుకున్నట్టు. ఇ0కా చెప్పాలంటే మన దవడ మీద వాలిన దోమను చంపడానికి మన దవడ మీద మనమే చరుచుకుంటాం. దోమ చావచ్చు లేదా ఎగిరిపోవచ్చు. ఏమైనా మన  దవడ  ఛెళ్ళుమనడం మాత్రం ఖాయం.  

సంతోషము సగము బలము.

మనసు ఉత్సాహంగా ఉండడమే సంతోషమని అనుకుంటా. శరీర బలమే బలం కాదు. బుద్ధి బలం,యశో బలం,ధైర్య బలం ఇలా రకరకాల బలాలుంటాయి. ఇవి శారీకం కాదు మానసికం.  ఏ అవసరంలో ఆ మానసిక బలం కనక చేకూరితే, కలగజేసుకునే అలవాటు పొందితే అదే సగం పనిని నెరవేర్చగలదు. అందుకే సంతోష0 సగం బలము అన్నారు. 

మరచిపోనివాళ్ళు.

 మరచిపోనివాళ్ళు.

లోకంలో ఎవరూ ఎవరినీ గుర్తుపెట్టుకోరు, బంధువులు,స్నేహితులు, సంతాప సభదాకా.  కొడుకులు,కోడళ్ళు;కూతుళ్ళు,అల్లుళ్ళు రోజులెళ్ళేదాకా, విధిలేక;సొమ్ములేమైనా ఉంటే పంపకాల దాకానే. ఆ తరవాత నమోనారాయణ. మరచిపోవడమే అందరి నైజం,కనపడినంతవరకే కత నడిచేది.  

కాని మరచిపోని ఆఫీసర్లు ఇద్దరున్నారు. 

బతికున్న కాలంలో పెన్షన్ చెల్లించే ఆఫీసరు, డిజిటల్ లైఫ్ సర్టిఫికట్ కోసం,చేయని ప్రయత్నం అంటూ ఉండటంలేదు. పెన్షనర్ కి విసుగొచ్చేలా ఎస్.ఎం.ఎస్ లు ఇచ్చి ఇచ్చి విసిగిపోతారు. వాటికి సమాధానం లేకపోతే, పెన్షనర్స్ యూనియన్లకి తెలియ జేస్తున్నారు.    పెన్షనర్ బేంకు నుంచిగాని,పోస్టాఫిస్ నుంచి గాని  పెన్షన్ సొమ్ము తీసుకుంటుంటే ఆ ఆఫీసులవాళ్ళకి రిమైండర్ మీద రిమైండర్ ఇచ్చి పెన్షనర్ ఇంటికి వెళ్ళండి,అతని పరిస్థితి చూడండి.  లైఫ్ సర్టిఫకట్ ఇవ్వలేదు,ఇచ్చినదాని కాలం చెల్లిపోతోంది. కాలం చెల్లిన లైఫ్ సర్టిఫికట్ పై పెన్షన్ చెల్లింపు కుదరదు,పెన్షన్ ఆపేయాల్సి వస్తుంది. పెన్షనర్ కదలలేని స్థితిలో ఉన్నా అనారోగ్యంగా ఉన్నా ఏమైనా కదలలేని  ఇబ్బందిలో ఉన్నా, ఇంటి దగ్గరనుంచే లైఫ్ సర్టిఫికట్ ఇచ్చే ఏర్పాటు చూడండి. కష్ట సమయంలో పెన్షన్ లేకుండా చేయకండి,అనిపోరుతున్నారు. ఇది మీ బాధ్యతకూడా, అతని పెన్షన్ అక్కౌంట్ మీదగ్గరుంది గనక అని పెద్దరికం కూడా వహిస్తున్నారు.  

ఇక రెండవవారు ఇన్ కం టాక్స్ ఆఫీసరు.   

మీరు ఇన్ కం టాక్స్  ఐ.టి.ఆర్ ఫైల్ చేసే సమయం దగ్గరపదుతోంది,తొందరలో చెల్లించవలసిన టాక్స్ చెల్లించండి,ప్రశాంతంగా ఉండండి.సమయం దాటితే పెనాల్టీలు పడతాయి,సొమ్ము చెల్లిOచండని ఒకటే పోరు. ఇక వీరైతే చనిపోయాకా కూడా వదలిపెట్టరు. బతికున్నకాలంలో సంపాదించిన సొమ్ముకి టాక్స్, పోయినా వసూలు చేస్తారు. పోయాకా, పోయినవారి పేరవచ్చిన సొమ్ముల మీద కూడా టాక్స్ పుచ్చుకోక వదలరు. వారసులు చెల్లించకపోతే పోయినవారి ఆస్థులు,బేంక్ ఏక్కౌంట్లతో సహా సీల్ చేసి,తమకురావలసిన సొమ్ములు వసూలు చేసుకు తీరతారు.  

బతికుండగానూ పోయాకా కూడా గుర్తుంచుకునేవారు,ఇన్ కం టాక్స్ ఆఫీసరు. బతికుండగా వెంటబడి లైఫ్ సర్టిఫికట్ కోసం గుర్తుచేసి,అది పుచ్చుకుని పెన్షన్ చెల్లించే, పెన్షన్ ఆఫీసర్. 

చినుకు భాగోతం

 చినుకు భాగోతం

చిందు భాగవతం కాదు సుమా! ఇది చినుకు భాగోతమే! జూన్ నెల సగం గడిచినా చినుకు కనపడలేదు,మా దగ్గర. మా వాట్సాప్ గ్రూప్లో దీనిమీద మహాపుణ్యాత్ములున్నచోట చినుకు పడుతుందయ్యా! వగైరా,వగైరా చెణుకులు నడుస్తున్నాయి. 

బుధవారం మధ్యాహ్నం భోజనం తరవాత పడకేసాను ఒంటిగంటకి.  రెండు గంటలకి టక్కున లేవడం రోజూ అలవాటు. కాని మూడుదాకా మెలకువరాలేదు, ఇంత సేపు నిద్రా అనుకున్నాగాని,ఇది రాబోయే కష్టానికి సూచన అనుకోలా! . మెలకువొచ్చేకా అల్పాచమానానికి బయట పాయఖానాకి వెళ్ళాను. వేడి,ఎండ తోడు వడగాలి చుర్రు మనిపించాయి. వెళ్ళిన పని పూర్తిచేసుకుని రయమున లోపలకొచ్చిపడ్డా! మరో పావుగంటలో కోడలమ్మాయి,మబ్బేసింది, గాలిచల్లబడింది వార్త చెప్పింది,గాలేస్తోందని కూడా చెప్పింది. ఇంకేం అనుకుంటూ లేవబోయే లోగా కరంటు పోయింది. బయటి కొస్తే గాలి వేస్తోంది,చల్లగా ఉందిగాలి. అరే! ఇప్పటిదాకా ఉన్న వేడి ఏమయిందబ్బా అనుకునే లోగా చినుకులు ప్రారంభమయ్యాయి. ఎలా? మొన్న తమ అల్లుడు జిలేబీని ఆశీర్వదిస్తూ శ్యామలీయంగారు చల్లిన స్వాతి చినుకుల్లా! గాలి ఆగిపోయింది, ఇక చూడురాజా! మా బతుకు! కుమ్ములో పెట్టిన చిలకడ దుంప చందమైపోయింది. లోపల వేడి బయట కాంక్రీట్ జంగిల్ మీద పడ్డ చినుకులకి లోపనుంచి,భూమి నుంచి వేడి తన్నుకొచ్చింది. ఇంకేం చెప్పీది?చినుకు భగోతం? ఇది ఒక అరగంట సాగింది. వేడి తగ్గలేదు. కరంటు రాలేదు. షరా మామూలుగానే రాత్రి 8.30 కి వచ్చింది,మళ్ళీ పోయినా వచ్చేసి స్థిరంగా ఉంది, అదొక్కటే సంతోషం.

ఈ సందర్భంగా కొన్ని సంభాషణలు గుర్తొచ్చేయి. కితం ఎన్నికలరోజు ఎండలు మండుతున్నాయని ఒకాయనంటే మరొకరు బాబొస్తాడుగా, బాబొస్తే కరువొస్తుందని ఆ పార్టీవాళ్ళె అనుకుంటున్నారని చెప్పేడు,అది నిజమా? ఏమో!  కరువుకి ఆయన ఎన్నికకి సంబంధం ఏంటబ్బా !

నిన్నఒకరు నేరేడు పళ్ళు ఎక్కువ కాస్తే కరువొస్తుందని చెప్పేరు. అది నిజమే, నిరుడు నేరేడు పళ్ళు కేజి.400 నుంచి 600 అమ్మింది. నేడు 200 నుంచి 300 లో దొరుకుతున్నాయి. నేరేడు పళ్ళు ఎక్కువకాయడానికి కరువుకి లింకేంటండీ అంటే , నేరేడు చెట్టు రాబోయే కాలంలో నీరు లేక తనజాతి నశిస్తుందని ఎక్కువ బీజాలు ఎక్కువ ఉత్పత్తి చేస్తుందట. ఇది ప్రకౄతి సూత్రమన్నారు.నిజమా! మనవారి ప్రకౄతి పరిశీలన ఇంతా నిశితంగా ఉండేదా! 

వారంకితం శ్యామలీయంగారితో మాటలో చినుకులేదనివాపోతే మాకు వర్షం పడుతోందండీ, మీకూ పడుతుందని ఆశీర్వదించారు. మొన్న శోధిని శ్రీనవాస్ గారితో మాటలో ఇలా వాపోతే మాకు వర్షం ఉందిగాని వేడి తగ్గలేదు,మీకూ వర్షం పడుతుందిలెండన్నారు. పుణ్యాత్ముల ఆశీర్వచన ఫలితం కావచ్చు నిన్నటి చినుకు భాగోతం. నేడు ఎండలేదు, వేడి,వడగాలి షరా మామూలే! ఇదండీ బాబూ,మా చినుకు గోల.      

మనిషి సాయం కావాలి

 మనిషి సాయం కావాలి

కుటుంబాలు చిన్నవైపోయాయి. మనిషి సాయం అవసరం కనపడుతోంది,పట్నాలలోలాగే పల్లెలలో కూడా.

కుడి చేతికి పక్షవాతం,కాలు కదులుతోంది,రోజూ ఉదయం ఒక గంట మనిషికావాలి,కూడా ఉండి నడిచేటప్పుడు తోడు.

ఓ పెద్దాయన, బయతికి ఒకసారి తీసుకెళ్ళి ఒక గంట తిప్పి తీసుకురావాలి, అంతే, తోడు కావాలి.

మరొకాయన డాక్టర్ దగ్గరకు తీసుకుపోయి,తీసుకురావాలి. దీనికి తోడు కావాలి, అక్కడ కూడా ఉండాలి.  

ఒకాయన చెట్లంటే పిచ్చి,పెంచాడు,మామిడాకులు రాలుతుంటాయి. ఆకులు వారానికోసారి ఎత్తి పారబోసేందుకు మనిషికావాలి.  

ఒక కుటుంబంలో నలుగురు, అంతా బిసీ, వారానికి ఒక రోజు ఇంట్లో బట్టలు వాషింగ్ మిషన్ లో వేసి ఆ తరవాత ఆరేస్తేచాలు. బట్టలు మిషన్లో ఉన్నంత సేపు ముసలామెతో కబుర్లు చెబితే చాలు.

భర్తపోయాడు ఒకతే ఐపోయింది. కొడుకు అమెరికా,కూతురు హైదరాబాదు. మనిషికావాలి కూడా ఉండి వండి పెట్టి తోడుండడానికి.  

మరొకామె భర్తపోయాడు. శరీర కింది భాగం కదలడం కష్టం. ఒకడే కొడుకు బొంబాయి వాసం, తీసుకుపోలేడు. తల్లిని చూసేందుకు మనిషికావాలి.

 

ఇలా మానవావసరాలు పల్లెలలో కూడా పెరుగుతున్నాయి. ఇవి మా దగ్గర నేను చూచినవి.రోబోట్లు ఈ సేవలు చేస్తున్నయంటున్నారు, అందరూ రోబోట్లు కొనుక్కోగలరా?  ఇటువంటి సేవలకి తగిన మూల్యం ఇస్తే పట్నాలలో మనుషులు నమ్మకమైనవారు,వెబ్సైట్  ద్వారా దొరుకుతున్నారు. కాని ఇది పల్లెలలో కష్టమైపోతూ ఉంది.  రాజమండ్రి,కాకినాడ లాటి పట్టణాలను కేంద్రంగా ఇటువంటి సేవల కోసం వెబ్సైట్ ఎవరేనా ప్రారంభిస్తే బాగుణ్ణు.

మోడిగారేంచేస్తున్నాడేం?! Take it easy 😘

 మోడిగారేంచేస్తున్నాడేం?! Take it easy 😘

ఎండ కాసేస్తోంది,వేడి దంచేస్తోంది ఏరో జు 40 మాటేగాని తగ్గనంటోంది. రుతుపవనాల్ని ఎనినో పట్టుకుందిట,దానినుంచి రుతుపవనాలని విడిపించచ్చుగా! మోడిగారేం చేస్తున్నట్టబ్బా!!!!! 

వేదికి తట్టుకోలేక ఏ.సిలో కూచోడంతో పొట్ట పెరిగింది,బద్ధకమూ పెరిగింది. మోడిగారేంచేస్తున్నట్టూ!

ఇంటి పెద్దలాటోడుకదా  ప్రధానమంత్రంటే, నా కొంపలో ఏమున్నాయో,ఏం లేవో చూసి, నేను పొద్దుటే తయారయ్యే సరికి ఇస్త్రీ బట్టులు రెడీగా ఉంచి,నా బండిలో పెట్రోల్ పోసి,నా జోబీలో నాలుగు పెద్దనోట్లు కుక్కి బయటికిపోయి తిరిగిరారా అన్నపాపాన పోయింది లేదు. తిరిగిగొచ్చేసరికి వాయి రెడీపెట్టి ఉంచి, తినేసి,ఏ.సి వేసుకుని గుర్రు కొట్టి సాయంత్రం లేచి,మొహం కడిగి బట్టలేసుకుని,స్ప్రే కొట్టుకుని పవుడర్ రాసుకుని బార్ కి వెళ్ళి నాలుగు పెగ్గులు లాగించి,ఇంటికొచ్చి తరవాత కార్యక్రమాలు పూర్తి చేసుకుని ఏ.సిలో బెడ్డుమీద....... నిద్దరోవాలి కదా ,ఈ ఏర్పాట్లు చూడక మోడిగారు ఏంచేస్తున్నట్టో!  

శివ సంకల్పమస్తు

త్రయంబకం యజామహే 

సుగంధిం పుష్టివర్ధనం

ఉర్వారుకవిమ బంధనాత్

మృత్యో ముక్షీయ మామృతాతన్మే శివ సంకల్పమస్తు