కల్లోల ప్రపంచం
నేడు ప్రపంచంలో అన్ని దేశాలూ చిన్నో పెద్దో కల్లోలంతోనే ఉన్నాయి. దీనికి యూక్రైన్-రష్యాల యుద్ధంతో ప్రారంభం అని చెప్పచ్చు,యూక్రైన్ వెనక అమెరికా ఉందన్నదీ నగ్న సత్యం. అంతేగాక నాడు యూక్రైన్ వెనకున్న నాటో దేశాలు నేడు అల్లకల్లోలంలో ఉండడమన్నదీ మరో నగ్న సత్యం. ఆ తరవాత అమెరికా గ్రీన్లాండును కొంటానంటం లేదా సైనికచర్య అని చెప్పడం,ఎందుకో వెనక్కి తగ్గడం జరిగాయి. కాని అమెరికా ద.అమెరికా దేశాల్లో వెనుజిలాలో అధ్యక్షుడుని కిడ్నేప్ చేసి దేశాన్ని స్వాధీనం చేసుకుంది,చమురు నిల్వలు అమ్ముకోడానికి తిప్పలు పడుతోంది. ఆ సందర్భంగానే హెగ్ సెత్ గారు జామ్నగర్ వచ్చి ముకేష్ తో మాటాడింది,కారణం ప్రపంచంలో అతి క్లిష్టమైన క్రూడ్ వెనుజిలాలోదే. దానిని కూడా రిఫయిన్ చేయగల సామర్ధ్యం మన రిలయన్సు కు ఉంది. అందుకు ఆ క్రూడ్ కొనమనీ దాని ఖరీదులో పావువంతు తగ్గిస్తామని బేరాలకొచ్చింది. అరవంతు తగ్గిస్తే కొనచ్చేమో,ఎందుకంటే ఆ క్రూడ్ ని అక్కడనుంచి తెచ్చుకోడానికి అయ్యే ఖర్చులు చాలా ఎక్కువ. ఇది మరో చరిత్రగాని మళ్ళీ మొదలుకొద్దాం.
ఇరాన్ తో అమెరికా యుద్ధం కారణాలు చెప్పడమూ తేలిక కాదు. ఐతే ఒకప్పటి జిగిరీ దోస్తులైన ఇరాన్-ఇజరయిల్ లు పరమ విరోధులు కావడం ఒకరినొకరు అంతం చేసుకోవాలని ప్రయత్నాలూ కొత్తవి కాదు. ఇలా ఈ మూడు దేశాల కొట్లాట అనేక దేశాల్లో అశాంతిని పెంచింది. హోర్ముజ్ జల సంధిని మూసెయ్యడంతో ప్రపంచంలో ఆయిల్ కొరత భారత్ మీద దాని ప్రభావం చెప్పుకోవలసినవే. ఆయిల్ కొరత సృష్టించి భారత్ లో దానిమూలంగా ధరలు పెరిగిపోతే ప్రజలని రెచ్చగొట్టాలనే ప్రయత్నం,ఆర్ధికంగా నష్టపరచాలనే ప్రయత్నాలు వమ్మాయ్యాయి. అంతేగాక భారత్ లో కల్లోలాలు రేపి తద్వారా మోడీ ని దింపెయ్యాలనే శక్తులు బయటలోపలా నిరంతరం పని చేస్తూనే ఉన్నాయి. దాని ఫలితమే కాక్రోచ్ ల పుట్టుక ఆపై మొన్నటి జ్ఞానేష్ కుమార్ రిజైన్ చెయ్యాలనే ఒక సభా ఇదంతా జరుగుతున్న చరిత్ర.
ఇక ప్రపంచంలో చూస్తే ఫ్రాన్స్ గత సంవత్సరం పైగా కల్లోలంతో అట్టుడుకుతోంది యూక్రైన్ యుద్ధంతో ఆయిల్ రేట్లు పెరిగి అన్నివస్తువుల రేట్లు పెరిగి యూరప్ మొత్తం అల్లకల్లోలంలో ఉంది. ఫ్రాన్స్ కల్లోలానికి కారణం తానుచేసుకున్నదే! ఒకప్పుడు చీప్ లేబర్ దొరుకుతారని ముస్లిం దేశాల శర్ణార్ధులను చేరదీస్తే నేడు ఏకుమేకయ్యింది. అమెరికాకాకీ తను వెలిగించిన సెగ తనకే తగలదంతో ప్రపంచాన్ని, ముఖ్యంగా భారత్ ను రష్యానుంచి ఆయిల్ కొనద్దన్న ట్రంప్ గారు తానే స్వయంగా రష్యానుంచి ఆయిల్ కొనడం పెద్ద వైచిత్ర్యం.మొదటి 40 వేల టన్నులు డిజిల్ ఓడ రష్యానుంచి అమెరికా బయలుదేరింది.
యూరప్ లో ఫ్రాన్స్ తరవాత చెప్పుకోతగ్గది జర్మనీ ఇక్కదా కల్లోలం జరుతూ ఉంది. ఫ్రాన్స్ లాగే ఇక్కడా లూటీలూ దహనాలు జరుగుతున్నాయి.వీరిదీ చీప్ లేబర్ వస్తారని ముస్లిం శరణార్ధులను తెచ్చుకున్న స్వయంకృతమే.
సెర్బియాలో యువత గద్దెనెక్కి కనపడ్డ పెద్ద తలకాయలన్నిటినీ రాజీనామా చేసెయ్యి అంటున్నాయి. ఇదేతీరానికి చేరునో తెలీదు.
ఇక పోలండులో ఒక జడ్జీగారు ఆదేశపు ప్రెసిడెంట్ ని వైస్ ప్రెసిడెంటునీ సస్పెండ్ చేసి పారేశాడు, అల్లకల్లోలంగా ఉంది,అక్కద.
ఇక యూ.కె మూడు ముక్కలు కావడానికి సిద్ధంగా ఉంది. చేసినపాపం కట్టి కుడుపుతూ ఉందేమో చెప్పలేం. బ్రిటన్ ప్రధాని క్షమాపణలు చెబుతాగాని పరిహారాలిచ్చుకోలేం అంటున్నాడు,తాము బానిసత్వాన్ని అమలు చేసినందుకు.
మధ్యప్రాచ్యంలో చరిత్ర చాలా పురాతనం. ఒకప్పుడు ఇస్రాయిల్-ఇరాన్ దేశాలు జిగిరీ దోస్తులు. ఇరాన్ లో ముస్లిం మతం పరిపాలన తీసుకున్న తరవాత బద్ధవిరోధులయ్యారు. ఇక చుట్టూ ఉన్న ముస్లిం దేశాలు చాలా ఇస్రాయిల్ ని గుర్తించి diplamatic relations నెరుపుతున్నాయి. వాటిలో ముఖ్యమైనది సౌదీ.సౌదీకీ ఇరాన్ కి పడదు కారణం సున్ని అయితే మరొకరు షియా. ముస్లిం దేశాల్లో ఆధిపత్యం కోసం ఇద్దరి ప్రయత్నమూ జరుగుతూనే ఉంది. ఇరాన్ చుట్టూ ఉన్నా అన్ని ముస్లిం దేశాల్లో అమెరికా మిలిటరీ స్థావరాలున్నాయి. ఇరాన్ సౌదీ మీద దాడి చేయడంతో ఉలికిపడింది. అందుకుగాను పాకిస్థాన్,టర్కీ లతో కలిపి ఒక ఒప్పందం చేసుకుంది,ఈ మధ్యనే. ఒకరిపై దాడి అందరిపానా దాడి అన్నది ఆ షరతు. హౌథీలు సౌదీ పై దాడి చేయడంతో అది అమలులో కొచ్చింది గాని పాకిస్తాన్ వెనకంజవేసింది. ఒప్పందం నీరుగారిపోయింది. హొదీలను కట్టడి చేయడానికి అమెరికానడిగితే తొంటచెయ్యి చూపడంతో ఇస్రాయిల్ని సాయం కోరాల్సి వచ్చింది. ఇంతేగాక సౌదీ ఆయిల్ని తన తూర్పురేవులగుండా ఎగుమతులు చేస్తుంటే బాబ్-ఎల్-మెండెబ్ పైకూడా దాడిచేయడం ఆక్రమించడం, సౌదీ ఆయిల్ సరపరా గొట్టాలపై హౌధీలు దాడిచేయడంతో వారితో సంధి చేసుకుంది. ఇరాన్ హౌదీలను ప్రోత్సహిస్తోందన్నది కొత్తమాటేంకాదు. ఇక మిగిలిన సున్నీముస్లిం దేశాలతో ఇరాన్ తగవు ఎప్పుడూ కొనసాగుతూ ఉన్నదే!
ఇక పాకిస్తాన్ లో బలూచిస్థాన్ విషయంలో అగ్గి నిత్యమూ రగులుతున్నదే!
దక్షణ అమెరికా బ్రెజిల్ ఒక పెద్ద డేశం,వనరులున్నది కూడా. ఈదేశంలో లూలా అనే ఆయన మార్కిస్ టు ఆయనపార్టీ గత పదిహేనేళ్ళుగా దేశాన్ని పాలిస్తూ ఉంది. ఈ లూలాగారు వరసగా ఎన్నికవుతూనే ఉన్నారు,పి.ఎం గా. ఒకప్పటి పి.ఎం. బోల్సనారో ను అరస్టు చేసి జైల్లో ఉంచారు. ఆయనకొడుకు జూనియర్ బోల్సనారోలలో ఒకడు చాలా కాలం కితం అమెరికా పారిపోయాడు. మరొకాయన ఎన్నికల్లో పోటీ చేసి ఓడిపోయాడు మొన్నీ మధ్యనే. కాని నేనే నెగ్గేను వోట్ చోరి అంటూ గొడవచేశాడు. ఆయన పార్టీవాళ్ళు నిజంగానే మేం ఓడిపోయాం అనిఒప్పుకున్నా ఈ జూనియర్ ఒప్పుకోలేదు. మరో పక్కడేశంలోకి పారిపోయి అక్కడనుంచి అమెరికా పారిపోయాడు. ఈదేశంలో కూడా అమెరికా చొరవ పనిచేయడంతోనే ఈ పనులు జరిగినట్టు ప్రపంచం అనుకుంటూ ఉంది. అమెరికా పారిపోయిన్ జూనియర్ బోల్సనారోకి అమెరికా చెప్పినమాటొకటే. మీకు ఇష్టమైనన్ని రోజులు ఇక్కడ ఉండచ్చని.
ఈ బ్రజిల్ కి APకి సంబంధం నేటిది కాదు అరవై సంవత్సరాల పాతది. నాటికి ప్రపంచంలో మెరుగైన కోడెలు ఎక్కడ దొరుకుతాయని ఆదేశం వెతుక్కుంటే అవి మనదగ్గర ఒంగోలు గిత్తల రూపంలో దొరికాయి. నాడు ఒక్కొకగిత్తను లక్షలు పెట్టి కొనిపట్టుకెళ్ళారు. ఆపై ఆబోతుల వీర్యాన్ని దిగుమతి చేసుకుని పశుసంపద అభివృద్ధి చేసుకున్నాయి. నేడు మరల మనం ఈ వీర్యాన్ని దిగుమతి చేసుకుంటున్నామని వినికిడి.
ప్రపంచంలో ఇలా కల్లోలాలు రేపుతున్న శక్తి ఏదో ప్రకటితంగా చెప్పలేరుగాని తాను ప్రపంచ ఆధిపత్యం చేయాలని ఆశపడుతున్నదాసక్తి అని ప్రపంచం మాట.
ఇలా ప్రపంచం అల్లకల్లోలంగా కొనసాగుతూ ఉంది.
