ఎందరో మహానుభావులు

 ఎందరో మహానుభావులు

ఉన్నారున్నారున్నారీలోకంలో

నరు

లున్నారున్నారున్నరున్నారీలోకంలో

తరతరాలుగా రకరకాలుగా

తమదారీ తీరే వేరుగా

నరులున్నారున్నారున్నారీ లోకంలో!

ఎప్పటిదో మాటైతే ఇప్పుడెందుకు చెప్పుకోడం?

రూపాయి పెంటమీద కనపడినా నాలికతో అద్దుకు తీసుకునే జనులున్నకాలంలో కనకే చెప్పుకోవడం.

ప్రపంచపోటీలో భారత్ క్రికెట్ టీం T-20 మేచ్ కప్ గెల్చుకున్నది, రోహిత్ శర్మ సారధ్యంలో, వరల్డ్ కప్ గెల్చుకున్న సందర్భంగా 125 కోట్ల సొమ్ము దక్కింది. బి.సి.సి.ఐ ఈ సొమ్మును ఆటగాళ్ళకి కోచ్ లకి జట్టు కప్ గెల్చుకోడానికి సాయపడిన అందరికి పంచింది, వారివారి అర్హతల ప్రకారం. ఈ సందర్భంగా ప్రధాన కోచ్ రాహుల్ ద్రవిడ్ కు 5 కోట్లు ఇచ్చింది. ఇందులో 2.5 కోట్లు బోనస్ గా ఇచ్చింది. ఇచ్చినదానికి సంతోషం వెలిబుచ్చుతూనే ద్రవిడ్ తానుకూడా కోచ్ లందరిలాగా 2.5 కోట్లు తీసుకుంటానని ప్రకటించారు.

నాకు తెలిసి 

నాటికాలంలో, భరతుడు తల్లి అయాచితంగా సంపాదించి పెట్టిన రాజ్యం, నాకొద్దని రాముడే రాజని ప్రకటించి, రాజ్యాన్ని తిరస్కరించిన గొప్పవాడు.అంతటి మహానుభావులు పుట్టిన దేశంలో ఎందరో మహానుభావులు, అందులో నేటి కాలానికి రాహుల్ ద్రవిడ్ ఒకరు.

అయాచితంగానైనా తనదగ్గరకొచ్చిన ధనాన్ని తృణప్రాయంగా తిరస్కరించిన రాహుల్ ద్రవిడ్ కి జేజే లు