Saturday, 30 August 2025

చికిలింత చిగురు...

 చిత్రం: చిరంజీవులు (1956)

సంగీతం: ఘంటసాల
గీతరచయిత: మల్లాది
నేపధ్య గానం: ఘంటసాల, పి. లీల

పల్లవి:

హాయ్...
చికిలింత చిగురు సంపంగి గుబురు
చిన దాని మనసు చినదాని మీద మనసూ
చికిలింత చిగురు సంపంగి గుబురు
చిన దాని మనసు చినదాని మీద మనసూ

మనసైన చినదానికి అందానికి...
మనసైన చినదానికి అందానికి...
కనుసైగ మీద మనసు

ఆ..ఆ..ఆ..ఆ..

చరణం 1:

అరె.. చెంపకు చేరడేసి కన్నులున్న చిన్నది
చిన్నదాని సిగలో రేకలెన్నో
గవ్వకన్ను రైక మీద చుక్కలెన్నో

ఎన్నుకో ...
ఎన్నుకో వన్నె లెన్నుకో చిన్నె లెన్నుకో
వన్నెచిన్నె లెన్నుకో ఎన్నికైన చిన్నవాడా

ఆ..
ఆ..

పైర గాలి ఘుమఘుమలో
చెంగావి చెంగు రిమ రిమలో
ఆ..ఆ..ఆ..

చరణం 2:

అరె దిరెసిన పువ్వు మీద చిలుకూ ముగ్గులు
చిన్నదాని బుగ్గ మీద చిలిపి సిగ్గులు
మల్లెల దొంతరలు మరు మల్లె దొంతరలు

మనసే ..
ఆహా..

మనసే మరుమల్లె దొంతర
మన ఊసే విరజాజి దొంతర
పాల వెన్నెలలో ..మురిపాల వెన్నెలలో..
Courtesy:  బ్లాగ్ :స్వరాల పల్లకి..
Posted by at  
Labels: , , , 

ఇదో ప్రేమగీతం.కవిగారు అంతర్గతంగా శృంగారo ప్రవిహించేసేరు. చూదాం. దిగితే కాని లోతు,తింటేగాని రుచి తెలియవని తెనుగు నానుడి కదా! 🤣

చికిలింత చిగురు చాలా సున్నితంగా ఉంటుంది,చినదాని మనసు కూడా అంత సున్నితం అంటాడు నాయకుడు,అంతేనా ఆమె మనసు సంపంగి గుబురు లాటిదంటాడు. సంపంగి గుబురు లో పువ్వులుంటాయి,గొప్ప వాసన ఉంటుంది, కాని ఆ చెట్టుకి ముళ్ళుంటాయి, ఇంకా చెప్పాలంటే అందులో పాములుంటాయి,అవి తాచు పాములే ఐ ఉంటాయి. చిన్నగా ఏం చెప్పేడు, చిన్నదాని మనసు చికిలింత చిగురులా ఎంత సున్నితమో సంపంగిపొదలా అంత భయంకరం. నేనూ ఏం తక్కువ తినలేదు, చినదాని మనసులాటిదే నాదీ,ఇదీ నాయకుడి గడుసుతనం. 

కొంచం ముందుకెళ్ళి నా మనసైన చిన్నది  అందమైనది అంతేనా కన్నుగిలిపితే చాలంటుంది. నాయికను పొగిడాడు. 

ఇక్కడితో ఆగలేదు,మనసైన,అందమైన చిన్నదాని కళ్ళు చారడేసి అని దిష్టి కొట్టేడు. జడదువ్వి సిగ పెట్టిందిట ఎన్ని పాయలుతీసి జడేసిందీ అని ఆశ్చర్యం  నటించేడు. గవ్వకన్ను రైక అంటే ఎప్పుడూ వినలేదు. ఇక్కడ గాయకుడు ఆ మాట సరిగా తెలిసేలా ఉచ్చరించలేదు. అది చక్కనైన రైకమీద  చుక్కలెన్నో అంటాడు.చుక్కల రైక తొడిగిందిట  చూపు రైకమీదుందని అదీ బాగుందని,  సున్నితంగా  చెప్పేడు.
నాయకి ఊరుకుందా బలే చెప్పింది. నిన్ను ఎన్నుకున్నా అంటే కోరుకున్నారా బడుద్ధాయి, చుక్కలరైక మీదున్న చుక్కలు లెక్కెట్టుకో!  రంగు పొంగు చూసుకో! వన్నెలు చిన్నెలూ చూసుకో అని ఫ్రీ హేండ్ ఇచ్చేసింది. ఆ తరవాత ఇదంతా పైరగాలి మహాత్మ్యం, మన్మధుని  జండాలా ఎగురుతున్న పైట మహాత్యం తెలుసుకోరా కుర్రోడా అనేసింది. 

ఎంత జెప్పినా మనం అనడే,  ఇదెక్కడ గొడవరా అనేసి మరుమల్లె దొంతరల్లోకి, సన్నజాజి, విరజాజి పూల దొంతరల్లోకి తీసుకుపోయింది.అంతేనా పాలవెన్నెలలో,ఆపై మురిపాల వెన్నెల్లోకి తీసుకుపోయింది. పాపం కుర్రోడేమయిపోయాడో!  ఇంతకు మించి వ్యాఖ్యానించి... అమ్మో! వద్దూ..తగిన అన్నంలోకి తగిన కూర దొరకదని నానుడి. అంటే ఇద్దరి మనసులు ఒకలా స్పందించే భార్యాభర్తలు అరుదూ అని... ఉంటానూ .     
at

4 comments:

  1. Zilebi1 September 2025 at 04:09

    పాటలోంచి పడుచు జంటల వాసన గుప్పున కొడుతోంది. ముదిమిలో కాలుతున్న నైరాశ్యపు కమురు వాసన కూడా. :)

    తాతగారూ

    గవ్వకన్నుల రైక ని అరవంలో జన్నల్ పోట్ట జాక్కెట్టని ఓ అరవ కవి కాపీ కొట్టేసాడో సాంగులో :)


    ReplyDelete
    Replies
    1. sarma1 September 2025 at 09:19

      Zilebi1 September 2025 at 04:09
      పడుచు జంటల వాసన గుబాళిస్తోంది. మత్తెక్కించే బొండు మల్లె,దొంతరమల్లె,వాసనలతో సన్నజాజి,విరజాజి వాసనలతో మత్తుతో పిచ్చెక్కిస్తోంటే, ముదిమిలో నైరాశ్యపు కమురు వాసన సూచనెక్కడా? కనపడలేదే,వినపడలేదే... ఎక్కడో చెబితే బావోదూ.....
      గవ్వకన్ను రైక ఉందనమాట,నాకు తెలియదు, ఐతే గవ్వకన్నుల్ని లెక్కెట్టుకోమందా? గవ్వకన్నెలా ఉంటదబ్బా!🤣🤣🤣

      సరే తమిళ కవి కాపీ కొట్టేడంటారా? తమదంతా కాపీ,పేస్టు సరుకుకదా! అందరూ అలాగే అనుకుంటే ఎలా?🤣

      Delete
  2. bonagiri5 September 2025 at 21:53

    చిన్న పట్టణమది. ఒక షాపు ముందు యువకుల గుంపు నిలబడింది. అన్నా ఈసారి గణపతిని పెట్టడానికి చందా ఎంత వ్రాయమంటారు? అనడిగిన యువకుడితో అంగడి యజమాని , మీరంతా ఎవరు? ఎపుడూ చూడలేదే? అన్నాడు.
    అదేమిటి అంకుల్, ఎన్నో ఏళ్ళనుండి ఈ వీధి చివర గణపతిని కూర్చోబెడుతున్నాము. ఇలాగంటే ఎలా ? అన్నాడు మరో యువకుడు. అది తెలుసు కానీ మీరు మాత్రం తెలీదు అన్నాడు అంగడి యజమాని. గుంపులోని మరో యువకుడు, అంకుల్ మేమూ ఈ ఏరియా వాళ్ళమే. మా ఇళ్ళన్నీ ఇక్కడే ఉన్నాయి. గణపతిని కూర్చోబెట్టేది మేమే. మీరు ఉదయం నుండి రాత్రి దాకా షాపులోనే ఉంటారు గదా, అందువల్ల మమ్మల్ని చూసి ఉండకపోవచ్చు. అన్నాడు.
    దుకాణం యజమాని , అది సరేలే... మా అంగడికి వస్తుంటే గదా తెలిసేది. అరే! నీ షర్ట్ చాలా బాగుంది. ఏ అంగడిలో తీసుకున్నావు? అన్నాడు.
    ఇక్కడెక్కడా కాదు. ఆన్ లైన్ లో ఆర్డర్ పెట్టి తెప్పించాను అన్నాడు కాస్త గర్వంగా ఆ యువకుడు.
    అదే అనుకున్నాను. మీరంతా కొత్త ముఖాలే కాదు, మీరు వేసుకున్న బూట్లు, మెడలో చైన్లు చాలా బాగున్నాయి. ఇవన్నీ ఎక్కడ దొరికాయి? అడిగాడు అంగడి యజమాని.
    ఇవన్నీ ఈనాటి ట్రెండ్ అంకుల్. అమెజాన్, ఫ్లిప్ కార్ట్ లో ఆర్డర్ పెట్టి తెప్పించుకున్నవి. వగలుపోయాడు మరో యువకుడు.
    అవునా? ఈ అమెజాన్ , ఫ్లిప్ కార్ట్ వాళ్ళకు ఎంత చందా వ్రాసారు. చాలా పెద్ద పెద్ద కంపెనీలు గదా ? మొత్తం గణేశోత్సవ ఖర్చంతా ఇచ్చి ఉండవచ్చుగదా! అన్నాడు అంగడి యజమాని.
    యువకులు ఒకరి ముఖాలు ఒకరు చూసుకుంటుండగానే, వారిలో ఒకడు, ఎక్కడో ఉన్న వాళ్ళను ఎలా అడగ్గలం... మన వీధి గణపతి... మనవాళ్ళు ఇవ్వాలి అంకుల్. మేమేమైనా మా స్వంతానికి చేస్తున్నామా ? మన ధర్మం కాపాడబడాలి గదా అన్నాడు. అంగడి యజమాని కాసింత విషాదంగా, అవునయ్యా అదే లెక్కలో మాలాంటి వారందరమూ ధర్మ విరోధులం అవుతాము. అయితే మీకు మాత్రం మీ డబ్బును లోకల్ మార్కెట్ లో ఖర్చు చేయడం ధర్మం అని మాత్రం అనిపించదు. సమాజం నుండి డబ్బులు వస్తేనే గదా, మేము దానినుండి మా ఖర్చులు మిగిల్చుకుని, వచ్చిన లాభం నుండి చేతనైనంత దానధర్మాలకు వాడేది? కొనుక్కునేటపుడు చాలా బెస్ట్ అన్పించే ఆన్లైన్ వారినే మీ ధర్మం కాపాడే పనికీ వాడుకోవచ్చు గదా ? సరేలే. మీతో వాదించడం, డబ్బులివ్వకుండా ఉండడానికి నెపం వెదకడం నా ఉద్దేశ్యం కాదు. ఎంతో కొంత ఇచ్చే పంపుతాను. అయితే వచ్చే సంవత్సరం ఈ సమయానికి ఈ స్థలంలో నేను ఉంటే మాత్రమే ధర్మం కాపాడే మీ ప్రయత్నానికి నా చెయ్యి వేయగలను. లేకపోతే మీరంతా ఆన్లైన్ వాళ్ళ అడ్రస్ వెదకడం అనివార్యమవుతుంది చూడండి అన్నాడు.
    ఆ యువకులకు ఎంత అర్థమైందో తెలీదు. మనకు అర్థమైందా?

    ReplyDelete
    Replies
    1. sarma6 September 2025 at 09:12

      bonagiri5 September 2025 at 21:53
      ఇదే విషయం పొరుగింటి పుల్లకూర రుచి టపాలో చెప్పేనండి. నేటి యువతకు ఆవేశం ఎక్కువ ఆలోచన తక్కువ అనిపిస్తూ ఉందండి. చివరి మాటలు అర్ధమైతే అక్కడ దొరికే సరుకులు అక్కడే కొంటారు, మరు సాలుకి కూడా కొట్టు ఉంటుంది,గణపతి చందా అడగచ్చు, లేకపోతే కొట్టు మూతబడుతుంది,గణపతి చందా అడిగేందుకు అమ్మీజాన్ వాడు అక్కడ ఉండడు🤣
      అమ్మీ జాన్ వాడు అక్కడ ఉన్నా చందా ఇవ్వడు,👍🤣

      Delete