కష్టేఫలి

Gatlin&Usen Bolt

వందమీటర్ల పరుగుపందెం.

మొన్ననీ మధ్య జరిగిన అంతర్జాతీయ పోటీలో నెగ్గిన గాట్లిన్  మూడవ స్థానంలో నిలచిన పూర్వ విజేతకు కాలు వంచి వీరనమస్కారం చేశాడు. విజేత, పూర్వ విజేతకు అనగా ప్రత్యర్ధికి నమస్కారం చేసిన అరుదైన సంఘటన.

వంద మీటర్ల పరుగు అంటే, గాలికంటే వేగంగా పరుగెత్తే ఉసేన్ బోల్ట్ పేరు ప్రపంచంలో తెలియనివారుండరు. ఇతను ఎంతో కాలంగా ఈ పరుగులో విజేత. ఇక నమస్కారం చేస్తున్న గాట్లిన్, ఉసేన్ బోల్ట్ తో తలపడి ఓడిపోతూ గెలుపుకోసం ఉత్ప్రేరకాలు వాడి పట్టుబడి నిషేధం ఎదుర్కున్నవాడు. మొన్నటిసారి మళ్ళీ తలపడ్డారు. అప్పుడు ఉసేన్ మరొకరు పక్కపక్కన పరుగుపెట్టేరు, ఈ గాట్లిన్ దూరంగా పరుగు పెట్టేడు. పరుగయింది, ఉసేన్ ఓడినట్టు పక్కతను నెగ్గినట్టుగా కనపడింది, కాని దూరంగా పరుగుపెట్టిన గాట్లిన్ ని విజేతగా ప్రకటించారు. జనం గాట్లిన్ ని హేళన చేశారు కూడా, అతని పూర్వ చరిత్ర తెలిసి. నిర్వాహకులు గాట్లిన్ విజేతగా ప్రకటించారు. ఆ తరవాత జరిగినదీ సంఘటన. గాట్లిన్ తన చిరకాల ప్రత్యర్ధి ఉసేన్ బోల్ట్ కి ఇలా వీర నమస్కారం చేసేడు. ఎందుకు చేసేడు ఈ నమస్కారం?

నీ మీద నెగ్గాలని తప్పు దోవన పడ్డాను, నిన్ను చూసి, నీ కఠిన పరిశ్రమ చూసి స్ఫూర్తి పొంది విజేతనయ్యా! నీవు నిజంగా వీరుడివి అన్నదే ఈ నమస్కారానికి అర్ధం . కష్టేఫలి, విజయానికిదే దగ్గర దారి.